Orange - Chapter 1




Chapter 1

Simple lang ang mga pangarap ni Philip. Kasing simple ng pagkakaroon ng tagsi-singkwenta pesos na Ray Ban, na hindi nya pa sigurado kung isasama nya sa opisyal na listahan. Isa sa mga priority nya ang makabili ng sariling gitara. Mas mura iyon kaysa bumili sya ng sound system sa kanyang kwarto. Pangalawa na ang pagkakaroon ng pang araw-araw na rasyon ng kapeng barako. Kailangan nya ng pampagising sa trabaho na kinakailangan ng matinding konsentrasyon ang isang damukal na puyat. Ngunit mas itinuturing nyang jackpot, kung magbababa ng singil ang kanilang masungit na kasera na nagiging sweet lamang tuwing sasapit ang katapusan.

Ngayon, nais nya ng maidagadag sa listahan ang pagtiklop ng bibig ni Harry. Literal na pagtiklop. Yung hindi na makakapagsalita. Nauumay syang pakinggan ang mga sinasabi nito tungkol sa kanyang pagkatao. Papuri at mga positive personalities nya. Umuukit na nga ng butas sa mesa ang kanyang siko na nagsilbing tukuran ng kanyang baba habang pinagmamasdan ang view sa labas ng magarbong coffee shop.

"Sampu!" bulalas ni Philip.

Nahinto si Harry. Nawala sa isip ang susunod na sasabihin. Siniko nya si Philip. Pinandilatan. Ngunit hindi ito nakinig.

"Hindi mo ba napapansin?" bulong nito.

"Ang ano?"

Payong (Dagli)

credit to orig uploader

Mula anit hanggang sakong ang tubig sa katawan ni Isko. Inuubo't nilalagare ng sipon. Salo ng kanyang mga palad ang plastik bag na butas. Pinaglalagyan ng biniling bigas na kanina lamang ay umaapaw ang laman. Nalulungkot nya itong pinagmasdan, dahil ang kaninang isang kilo ay kakarampot na lamang.

"Pusang gala ka talagang bata!," pinihit ng kanyang Ina ang kanyang kanang patilya pataas.

Napaigtad si Isko sa hapdi. Dinukot ang walis ting-ting. Sunod-sunod itong humalik sa hita, paa, likod, at braso ng paslit.

"Maligo ka doon at magbihis! Minsan ka lang utusan na-peste ka pa! Pati ka-isa isang payong winala mo!" hugot-galit ng kanyang Ina.

Kinabukasan, may lagnat si Isko. May latay ang katawan. Nakatulog ng walang laman ang tiyan. Nakaratay sa tagpi-tagping banig ang likuran. Maya-maya pa'y sumulpot si Aling Nadia. Kabaryong niluma ng panahon. Bitbit ang payong na syang tunay na may sala.

"Daghan salamat sa imong anak, ug dili niya nitaas na ayo ang hilantan naku kahuwat sa akong asawa!"

-Wakas

Open Parking

image credit to orig uploader

Maihahambing sa isang pampublikong paradahan ng mga sasakyan ang buhay pag-ibig ni Jane. Libre ang sinomang gustong igarahe ang kanilang auto. Kahit anong oras, araw, o kahit kailan nila gustong balikan, o iwanan. Walang karampatang singil sa bawat sasakyang pumapasok o umaalis. May tumatagal mayroon ding napakabilis. Walang bakas na iniiwan. Walang pangakong tinutupad.

"Gising.." mahinang bulong ni Jane.

Nagtaas lamang ng kaliwang mata ang lalaki. Narinig nya si Jane. Sigurado 'yun. Ayaw nya lang tuluyang maglaho ang kanyang antok. Malamlam ang kanilang mga mata. Tanda na dinaanan ito ng luha at puyat. Ngunit si Jane ay daig pa ang napaka-agang lawin para maghanap ng ipanglalaman sa tiyan. Hindi na rin bago yun. Madalas syang nauuna para din ipaghanda ng agahan ang bawat lalaking nakakatabi nya sa kama noon. Naiiba lang ang lalaking natutulog ngayon.

Espesyal.

Natatangi.

Walang hihigit.

Orange - Preview


"Ang star alignment ay parang relasyon, may connection sa isa't isa ngunit may distance. Parang kayo, may spark, yun nga lang hilaw at supot.."


Philip loves Filona,
Filona loves Philip,
The End.. ?

But what if,
they really love each other,
but they didn't want to be together.
Peste! Nag-love life pa sila?

Isang tipikal na kwentong pag-ibig.
Plain at walang twist.
Mga ordinaryong bida,
at walang kontra-bida.
Isang cute na author.

Red + Yellow = Orange






#baliknobela