Kwentong Tambay - Chapter 13

"Hindi ka titingala, kapag wala ka sa baba. Kailangan din kung minsan madapa" -Chito



Inuman.. Tagayan.. Lasingan.. Daming topic, Daming bangka, Daming chiks..

Sa inuman madalas maraming pwedeng pag-usapan, Madaming pwedeng pagkwentuhan. Nariyan ang kalokohan, kawalanghiyaan, at kamanyakan.. Mula sa simpleng istorya ng pulutan hanggang mapunta sa kalawakan, at kung ano-ano pang hindi makatotohanan..

"Ay! Alam mo ba yung ganito ganyan.."
"Pre, kilala mo yung frat na Masonry, O mas kilala sa pinas na MASON?"
"Taena peborit ko ang mani sa pulutan.."
"Napatambay ka na ba sa trickshot?"
"Nagbabasa ka ba sa forum ng tcaf? Hindi ba panay kanta lang dun?"

Paulit-ulit.. walang kamatayang istorya ni ganito at ganyan.. ni Pedro at Juan.. Mga hindi makalimutang syota, at hindi makapanindig balahibong pusa sa bubong ng backside.. Sa huli panay tawanan, ingay, at tugtog na lang ng paulit ulit na kanta.

Pero isang topic ang talaga naman nakikipag bakbakan ako.. Pag dating sa topic na ito eh medyo napapa seryoso ako.. Hindi porn! Kundi isang tanong na talaga namang bumagabag sa akin.. Isang tanong na lahat kami ay hindi nakasagot.. Isang tanong na nagbigay ng maraming reaksyon pero walang tamang sagot.. Isang tanong na pwedeng magbigay sayo ng alinlangan..

Isang tanong na galing sa otor ng "Two worlds existing as one" na tropa ko na si Ayekaru..

"Kung pupunta ka ng book store sa mall.. Saan mo makikitang section ang Bible?"

Unang tumakbo sa isip ko na hindi ito pwedeng ilagay sa fictions.. Bakit? dahil sagrado ba ito? dahil ba ito ang kasaysayan ng higher power? O baka naman naniniwala ako na totoo ang librong ito na sinulat ng mga naunang tao, na silang nakasaksi ng lahat.. Ano nga ba ang totoo?

Pero kung ikaw ang empleyado ng book store.. at nautusan ka ng boss mo na ilagay ang bible kung saan ito dapat ilagay..

Saan mo nga ba ilalagay? Saan mo nga ba sya ihahanay?

-------------------------------

Dahan dahan kong sinuklay ang buhok kong bagong gupit.. Kaliwa't kanang tingin sa salamin. Sabay apply ng gel, at hinati sa gilid na parang aklat.. Marahan ko ding inayos ang collar ng aking polo na hindi gaanong tinamaan ng plantsa.. Nag spray ng tig sising-kwente pesos na pabango..

Inhale.. Exhale..

Ang kundisyon ko ay parang lalaban sa boxing.. Sinipat kong muli ang salamin..

"Okei na.." bulong ko sa sarili.

Handa na ko.. Hindi sa boxing, kundi sa date namin ni Kath.. :)

...
....
.....

Hindi ako mapakali habang naghihintay ng daraan na jeep, sa kalsada. Parang merong paro-parong nagliliparan sa loob ng aking sikmura.. Parang isang tore na lang at mababasag ko na ang frozen throne.. Parang last stage sa Medal of Honor na merong time limit, at kailangan mong makalabas ng facility bago pa man sumabog ang mga bomba.. Sobrang excited na may halong kaba.

Isang bagay lang ipinagtataka ko.. Bakit lagi akong excited? Kahit hindi na namin first time mag date?

Dalawang buwan na rin ang lumipas, matapos nyang banggitin na "Ligawan mo muna ako..", Mula noon hanggang ngayon ay hindi nya pa din ako sinasagot.. :(

Pinara ko ang papalapit na jeep, sumakay ako sa harap kung saan isang lalaki din ang nakaupo.. Nagbayad ng tig bebente-singkong barya galing sa bulsa. Panay ang silip ko sa side mirror ng jeep, upang tiyakin lamang kung nagulo ang pagkaka-ayos ng aking bagong tabas na buhok.

...
....
......

24 oras na tawagan sa cellphone.. Magdamag na tambay, simula gabi hanggang madaling araw.. Nood ng sine, Kain sa labas, Hatid sa trabaho.. Sundo't hatid pauwi. Typical na gawain ng isang lalaking nangliligaw. Yan ang aking routine dalawang buwan hanggang ngayon..

Pero kung tutuusin mas okei na ang ganito.. Ang sinasabing "ligaw at sagot", ay formality lamang.. Pero kailangan pa nga ba, kung mahal nyo naman ang isa't-isa? Mas okei at mas kumportable na ako sa ganito.. No string attached.. No commitment.. Ang mahalaga kasama ko sya palagi..

---------

Nag-ring ang cellphone ko habang nasa byahe ako.. Si Kath ang caller so agad kong sinagot..

"Saan ka na?" malambing nyang boses.

"Lapit na po ako.. mga 10 to 15 minutes na lang.." sagot ko.

"Oh sige.. Dito na lang kita hintayin sa entrance.."

"Okei!" sagot ko sabay baba ng phone.

Naisipan kong dumaan muna ng flower shop, at bumili man lang ng roses, para medyo astig at cute..

"Gwapong gwapo mo ngayon Dudes!" bulong ko sa sarili. Habang binabayaran sa counter ang nabili kong roses..

...
....
.....

"Dudes? Ikaw ba yan?" tanong ng babaeng nasa likuran ko.

Laking gulat ko, at halos hindi ko alam ang sasabihin ko nang makita kong si Rhea ang babaeng bumati sa akin..

"Ikaw nga!" sigaw nya sabay yakap sa akin.

"K-Kumusta na?" nauutal ko pang sabi.

"Ikaw ang kumusta na?!" sagot nya.

"Wala na kong balita sayo.. Hindi ka man lang nagt-txt!" dugtong pa nya.

"Sorry ha! naging busy kasi ako.." paliwanag ko.

"Kanino na man?" tanong nya.

Bakit ganon? Kanino ang tanong nya at hindi saan?

"K-Kay.." sagot ko na hindi ko alam kung itutuloy ko.

"Birthday ko ngayon! How about labas tayo?" anyaya nya bigla.

SYET!!! Anong paliwanag ba ang gagawin ko sa isang ito?

"Treat ko! Payag ka na!" pangungulit nya pa.

"A-Ano kasi.."

"Sige na! Ngayon lang ulit tayo nagkita, tatanggi ka pa!"

NALOKO NA!! naloko na nang tuluyan.. Tulad ng dati.. Kapag si "Rhea The Angelic Face" ang kaharap ko, eh talaga namang na s-stun ako! Anong sasabihin ko? Anong ipapaliwanag ko? Anak ng..

Hinablot nya ang aking braso ng hindi ko namamalayan.. Hinila ako palabas ng shop. Na para namang na-magnet ang aking mga paa, at tuluyang sumunod sa makamandag nyang mga ngiti. At tuluyang naiwan ang binili kong roses sa counter.

"Saan naman tayo pupunta?" tanong ko.

"Saan mo nga ba gusto?" sagot nya.

"A-Ano kasi eh.."

"Ano ka ng ano dyan? Ano bang meron?" tanong nya.

"Meron din kasi akong sariling lakad ngayon.." paliwanag ko.

"Ganun ba.." malungkot nyang sabi.. :(

"Oo.. Ganun nga.. Pasensya na talaga.." dugtong ko.

Tumalikod si Rhea, nagbabantang magwa-walk out.. Bakas sa hitsura na halatang nagpapa-awa.. Ang babae nga naman.. Hindi ko talaga malaman ang timpla.

At ang sumunod na nangyari ay parang passive na lang.. Pinigilan ko sya..

"Teka! Rhea.." pigil ko.

Sabay harap ulit sa akin, na naka ngiti na! tila malditang bata ang dating..

Anak ng teteng! Parang nagayuma na naman ako.. Wala nang atrasan, kasi ako na mismo ang pumigil sa kanya.. Kahiyaan na kapag sinabi kong next time na lang.

"Saan nga ba lakad natin?" tanong ko.

"Ayan ang Dudes na kilala ko! Yipee!" sagot nya.

---------

Kath

"Ang tagal naman ng mokong na iyon.. Ngayon lang ata sya na late ng ganito ka tagal.." bulong ni Kath sa sarili.

Bahagya nyang tinignan ang relos, hindi para tignan kung anong oras na.. Kundi i-check kung ilang oras na nga bang late si Dudes.

Nakaramdam ako ng gutom kaya nagpasya akong maglibot muna sa mall, at maghanap ng makakainan.. Napadpad ako sa isang resto na hindi gaanong pasukin ng mga tao. Umupo at umorder ng makakain, habang nag hihintay sa date kong halos isang oras nang late.

"Tawagan ko kaya sya.." bulong ko sa sarili.

Bihirang ma late si Dudes ng ganito.. Dati ang maximum nya ay bente minutos lamang.. Hindi na ko nagdalawang isip at tinawagan sya..

Ngunit ring lamang ang masipag na sumasagot sa akin.. Isa, Dalawa, Hanggang tatlong beses na try, at halos napagod na din ako, at hindi na ulitin pa. Napabuntong hininga na lamang ako..

"Kung kailang ngayon ko sya balak sagutin.."


---------

Dudes

"Syet! Tatlong miscol na pala.." bulong ko sa sarili.

Habang tinitignan ang aking cellphone.. Gusto kong i-txt si Kath, Pero wala akong maisip na idadahilan sa kanya, at malamang tatanungin nya ako kung nasaan ako.. Pinahamak ako ng sarili kong kalokohan..

Kelangan ko na ng magandang exit reason sa isang ito..

"Dito na tayo!" sigaw nya sa loob ng taxi, habang nagbabayad sa drayber.

Sumilip ako sa bintana upang tanawin, kung saang lugar na nga ba kami napadpad.. Ngunit laking gulat ko na lang ng napansin ko ang pangalan at itsura ng mall.. WTF! WTF ulet! Kung saan kami magkikita ni Kath.. Dito din ako dinala ni Rhea..

Malaking gulo at malamang mahaba't masukal na paliwanag ang gagawin ko kapag nagkabistuhan.. Ilang akong bumaba ng taxi. Para akong naka-shabu, dahil halos lahat ng taong nakakasalubong ko eh ang tingin ko si Kath.. Gusto ko nang pigilan si Rhea pero habang nakikita ko syang nag e-enjoy, ay wala talaga akong magawa..

Naramdaman kong nag vibrate ang aking cellphone, na nagbigay sa akin ng kaba..

Binasa ko ang txt msg na galing kay Kath..

Saan kna po ba? May masama bang nangyari? txt ni Kath.

-----------

Kath

Kahit medyo pikon at inis na ako.. Pinipilit ko pa ding magpakatino, Iniisip ko lang na meron sigurong emergency.. Ubos na aking inorder ko at nakapagbayad na ko. Wala nang rason para mag-stay pa ako dito. Tumayo ako at dinampot ang aking shoulder bag.

Habang naglalakad patungo sa escalator.. Hindi pa din mawala sa isip ko kung nasaan na nga ba ang magaling kong date. Nagpasya akong bumalik sa entrance ng mall, baka sakaling nanduon na sya at naghihintay..

"Dudes nasaan ka na ba.." bulong ko sa sarili na medyo naluluha na.

------------

Dudes

Nagyaya agad kumain si Rhea, agad kaming umakyat sa 2nd floor ng mall..

"R-Rhea.. May alam akong masarap kainan dito.." offer ko.

"Sige! Saan ba yun?" mabilis nyang sagot.

Agad ko syang dinala sa isang resto.. Napansin kong hindi ito gaanong pasukin ng tao kaya ito ang pinili ko.. At siguradong hindi ako makikita dito ni Kath.. Pawisan ako habang pinipilit na saktuhin lahat ng aking galaw, na napansin naman ni Rhea..

"Dudes.. Okei ka lang?" tanong nya.

"Y-Yup!" sagot ko na medyo nag ayos ng aking hitsura.

"Doon tayo!" sabay turo sa bakanteng limesa na natatakpan ng mga halaman, na hindi ko malaman kung display nga ba talaga ng resto.

"Waiter!" mahinang tawag ni Rhea sa waiter.

Balisa talaga ako at hindi mapigilan ang sarili sa pag-iisip.. Napansin ko na parang may kung anong napulot si Rhea sa kanyang inuupuan.

"Sayo ba ito?" tanong nya sabay abot ng isang panyo.

"Hindi!" mariin kong sagot, dahil halata namang pang babae ang panyo.

"Biro lang! I know naman na pang babae ito.. Bigay ko na lang sa waiter.." paliwanag nya.

Ngiti lamang ang naisagot ko..

--------------------------

Kath

kahit naiiyak na ako sa kakahintay kay Dudes, ay hindi pa din ako nawawalan ng pag-asa..

"Ito ang araw na sasagutin ko sya, dapat dumating sya.." bulong ko sa sarili ko.

Nagkanda ngawit na ang aking paa sa kakatayo sa entrance ng mall. Para na din akong gwardya. Natanaw ng aking mata ang waiting area na merong upuan, Hindi na ko nagdalawang isip at tumungo doon.

"Dudes.."

"Dudes.. ang tagal mo naman.."

...
....
.....

"Miss, okei ka lang?" tanong ng isang lalaking katabi ko sa bench.

Hindi ko ito sinagot, ngunit mapilit ang lalaki at nag alok pa ng panyo, na parang nang-aasar.. Hindi ako suplada ngunit talaga namang masungit ako.

"Okei lang ako! Meron akong sariling panyo!" sagot ko.

Sabay dukot sa bulsa para kunin ang panyo at ipakita sa makulit na lalaki.. Pero wala! Wala ang aking panyo! Nataranta ako.. dahil sobrang may value sa akin ang aking panyong iyon..

"Saan ko nga ba naiwan?" tanong ko sa sarili.

"Saan nga ba ako huling pumunta?"

"Saan nga ba.."

"Okei ka lang ba talaga?" tanong ulit ng lalaking makulit.

"Sa resto!" sigaw ko sabay hawi sa lalaking makulit, At dali daling bumalik sa resto.

-----------------------------------

Kwentong Tambay - Chapter 12

"Sabi nila, Imposibleng mahalin mo ang isang bagay o tao na hindi mo nakikita, Pero.. I can't see GOD.. But I love him" -Tipsy_



Kailan nga ba yung last? At kailan nga ba ako nag umpisa? At ang malupit eh.. Paano nga ba?..

Nakalimutan ko na yata kung paano, pero kung tutuusin.. Hindi naman talaga ako marunong sumulat. Mas kabisado ko pa yata ang lahat ng video sa youjizz kesa sa mga naisulat ko sa Kwentong Tambay.. Hindi ko man ninais na maging love story ang kwento, eh yung talaga ang lumalabas..

Slight parody ang trip ko, pero naging love comedy na yata ito.. Ano ito nag f-fliptop naba ako?.. Hindi ko na yata alam kung paano ko uumpisahan.. Parang kanta ulit ng PNE na "San man patungo", gagawa ka ng kanta na hindi mo trip or napilitan ka lang.. after nun wala nang sense.. tulad ng ginagawa ko ngayon. Nagttype ako ng kung anu-ano, pero wala namang pumapasok sa utak ko..

Slow lang ba talaga ako? O pinipilit ko lang na may masulat ako?

Lima hanggang sampung minuto.. Tinapos ko ang intro, pero walang kadugtong na kahit ano... Pero dahil inspired ako.. at nasa mood na rin.. Game! :D

Magsusulat na lang ako ng kahit ano..


------------------------------

Halos madurog ang lahat ng buto ko simula hita hanggang balakang, matapos kong yakapin ang sahig ng ospital..

Si Kath ang laman ng isip ko kahit nasaktan ako, mabilis akong bumangon mula sa pagkakabagsak na sya naman ikinagulat ng cute na nurse na hawig nga ni Donna Bartolome na crush ko..

"Sir, Okei ka lang?" with matching shock gesture.

"Okei lang.." sagot ko na nangangatog.

At sya namang alalay ng nurse sa akin pabalik sa higaan.

"Miss.. anong oras na ba?" tanong ko.

"4am na po Sir.. Medyo napahaba ang tulog nyo dito.." sagot nya.

"Sensya na ha lasing lang kase ako.."

"Sir kapag lasing po, dapat sa bahay dumiretso hindi sa ospital.."

"Sorry ulit.." sagot ko.

Nilibot ko ang aking mata sa buong kwarto, ngunit isa lang ang napansin ko.. Hindi pala ito ang kwarto kung saan iniwan ko si Kath. Dahil sa pink and white na kurtina ng bintana na noong iniwan ko sila ay halos puti lahat.

Agad akong nagmadali.. Bumangon ako sa kama, lumabas patungo sa lobby para magtanong..

"Uhm.. Excuse.. Tanong ko lang po kung saan naka confine si Ms. Katherine Cervantes.." tanong ko sa receptionist na sobrang busy sa kakatxt..

Tumingin sa pc.. Inayos ang salamin na kasing kapal ng kalyo ang grado.. Click dito, click doon, scroll up dito, scroll down doon..

"Out na ang patient.." sagot nya.

"Uhm.. Mga anong oras?" tanong ko ulit.

Tumingin ulit sa pc, at inangat ng bahagya ang salamin..

"Kaninang 3:50am lang.." sagot nya.

Syet! Sampung minuto lang ang pagitan.. Mula sa lobby tinanaw ko ang labas ng ospital, At kahit madilim pinipilit kong aninagin at nagbabaka sakaling makita ko pa sya.

"Cge po salamat!" paalam ko sa receptionist.

Pinilit kong takbuhin mula lobby hanggang sa kalsada, Nagmistula akong giraffe na halos magkanda haba ang aking ulo kakatanaw sa malayo..

Pero wala.. Kahit bakas o anino man lang ni Kath ay hindi ko matagpuan, Nakaramdam ako ng inis sa sarili.. Napag-initan ng aking mata ang bote ng mineral water na nasa harapan ko.. At ubod lakas ko itong sinipa..

Malayo.. Hindi ko tanaw kung saan napadpad.. Naghanap pa ulit ako ng mineral water na masisipa pero wala na kong makita.. Yamot, Inis, at labis na pagkadismaya ang pilit na nagpapataranta sa utak ko. Huli na ang lahat.. Hindi na maaaring mangyari pa ang ganoong eksena..

Wala akong nagawa, dahan-dahang nangilid ang aking luha, na hindi ko namalayan dahil sa labis na inis.. Umupo ako sa gutter ng kalsada, Kinapa ko ang huling sigarilyo sa aking bulsa.. Sinindihan at tuloy tuloy na hinit-hit.. Nakasubsob ang ulo sa tuhod, habang pilit na itinatago ang luha.. Sa lahat na siguro ng pagkakamali ito na ang pinakamatindi..

Lugmok.. Wala sa sarili.. Tulala.. Nilakad ko nang pabalik balik ang loob at labas ng ospital.. Nagbabaka sakaling nagkamali lang ng sulat si Amphie sa chapter na ito, at nasa labas lang pala si Kath na naghihintay sa akin.. Ngunit wala.. wala akong napala..

Napansin kong nagbubulungan na ang mga tao na nasa lobby, maging ang mga janitor at gwardya..

"Hindi po ako baliw.. Inlab lang.." bulong ko sa sarili.

Nagpasya na kong lumabas at umuwi na lang, sa gate ng ospital.. Tinanaw kong muli ang lobby.. Sa likod isang boses..

...
......
.........

"Dudes..."

Isang boses na talaga namang naglagay ng ngiti sa aking labi..
Isang boses na kahit isabay sa ingay ng jeep, eh talaga namang nangingibabaw..
Isang boses na minsan nang naging parte ng masaya at kwela kong buhay..
Isang boses na kahit kailan ay talagang nagdudulot ng kakaibang emosyon..

Kinurot ko ang aking mukha, at sinampal sampal.. Baka lang nahimatay lang ako ulit, para siguruhing hindi ako nananaginip..

Matangkad sya at medyo slim ang katawan, malaki ang harapan.. At hindi ko alam ang kulay ng kanyang silver dollar.. Medyo kulot ang buhok na laging nkapusod.. singkit na mga mata.. at maamo ang mukha. Sa unang tingin okei ang babaeng ito.. pero alam kong ma o-off ang lalaki kapag na background check nya na ang lifestyle ng babaeng ito. Tahimik ako habang pinagmamasdan sya..

Walang duda.. Si Kath.. Si Karnabal.. Si Olats.. Ang babaeng mahal ko..

"Bakit ka umiiyak?" mahina nyang tanong.

Pinunasan ko ang luha, at naglakad tungo sa direksyon nya.. Huminga ako ng malalim.. Lumunok ng laway.. Nag ayos ng damit at nagpagpag ng pantalon.. Hinawi ang one-sided kong buhok, na ilang taong naging trip ng nanay ko.

Sasabihin ko na ang mga bagay na dapat kong sabihin.. Nang napansin kong nasa likod nya pala si Vincent..

"Ehem!!" malakas kong sabe.

"EHEM!!" sagot ni Vincent.

Aba ang loko.. nangungulit pa.. Sinenyasan ko sya na umalis muna at bigyan kami ng kaunting oras.. Tumawa lang ito at sabay naglakad papalayo at sumenyas ng thumbs up..

Pagbaling ng ulo ko galing kay Vincent.. Isang malakas at matunog na sampal ang sumalubong sakin..

"Aw!"

Panandaliang nabingi ang aking tenga.. Parang nag shut down ang makina ng liberty.. Parehas na parehas ang tunog.. Hindi ako nakasagot..

Ilang segundo pa ang nakalipas..

"Kath.. I-im.."

PAK!!!

Isang sampal ulit ang bumalatay, yun nga lang sa kaliwang tenga naman.. Pero this time mas malakas at mas ramdam ko ang sakit.. Ngunit wala pa din akong masabi..
Pakiramdaman ulit ang labanan.. Tinititigan nya ko.. Hindi ako makatitig.. Napansin kong dahan dahan syang lumalapit sa akin.. At sa aking tingin eh isang sampal na naman ang aabutin ko..

Ngunit hindi..

Isang mahigpit na yakap..

Yakap na napakaraming ibig sabihin.. yakap na pwedeng mahantong sa "paalam", or "dito ka lang"..

Ramdam at dinig ko ang kanyang mahinang pag-iyak.. Lalo akong nasaktan, hindi sa nangyare.. Kundi sa ginawa ko. Pero parang iba.. Ibang Kath ang kayakap ko.. Ibang iba sa nakikita ko sa araw-araw ng eksena sa lugar namin.. Ito nga ba si Kath, na nakikita ng iba na parehas din kung tignan ko? O yung Kath na kahit alam ko kung anong meron sya ay wala akong pakielam.. Ganun ba talaga mag-mahal? Kahit anong sagwa at kahit anong pwedeng mangyari ay okei lang..

Hinayaan ko ang mga sandaling ito na nakayakap sya sakin..

Ninanamnam ko ang bawat sandali, para kung sakaling paalam na, eh na-enjoy ko pa ding mahalin sya sa pamamagitan ng yakap lamang.. Ngunit sa hindi inaasahang pag e-enjoy eh biglang nagsalita ang mapangahas kong bibig..

"Kath.. SORRY!"

"H-Hindi ko sadyang saktan ka.."

"Okei lang.." sagot nya.

"Okei lang saktan mo ako ng paulit-ulit.." dugtong nya pa.

"Natakot lang ako Kath.. Naduwag.." sagot ko.

"Okei lang.. Okei lang maduwag at matakot ka ng paulit-ulit.."

"Hindi na mauulit.. Hindi na kita iiwan.."

"Okei lang.. Okei lang iwan mo ako ng paulit-ulit.." sagot nya.

..
...
.....

Tahimik.. Mahangin.. Walang imik..


"Kath.."

"Kath.. Mahal kita.." bulong ko.

"Okei lang Dudes.. Mahalin mo ako ng paulit-ulit.." sagot nya.

Para gusto nang maputol ng hininga ko sa narinig ko galing sa kanyang matamis na labi.. Naka record sa utak ko, At paulit-ulit ang playback.. Nawala ang sakit.. Nawala ang inis.. Nawala ang yamot.. Nawala lahat.. Naiwan ang ngiti at ligaya na minsan lang maramdaman..

"Pero.." paputol nya.

Ngumiti sya.. Bahagyang pinunasan ang nangingilid na luha..

"Ligawan mo muna ako.." dugtong nya.


Biglang tumugtog sa background ang Crazy Mary ng FM Static.

--------------------------------------

Namiss ko ang tcaf at ang mga tambay.. :wave:

Kwentong Tambay - Chapter 11

Paano nga ba? Teka..

Ilang alak na nga ba nainom ko? Isa? Dalawa? Tatlo?.. Singkit na mata.. Ashtray na puno ng upos at filter.. limesang makalat na puno ng tissue.. Palatandaang lasing na nga ako.. Pero wala pa ang anino o bakas man lang ni Rhea.. Sabay approach ng isang seksing waitress..

"Sir.. Order pa kayo?" tanong nya.

Tumingin ako sa iniinom kong alak.. Napansin kong wala na palang natira..

"Sige bigyan mo ko ng dalawa!" sagot ko.

"Okei!" sagot ng waitress sabay ngiti na w/ matching wink.

Ayos pala dito.. First time ko maligaw sa ganitong lugar(I mean first time ko makadalaw, pero hindi ko na first time sa mga beerhouse..) Ang gaganda ng mga waitress, panay seksi pa.. At tulad ng dati.. Umiral na naman ang pagkalalake ko..

Tumingin ako sa cellphone para tignan kung anong oras na.. Halos mag dadalawang oras na pala ako pero wala pa ang date ko.. este! ang kausap ko.. Dumating ang inorder kong beer na may kasamang pulutan..

"Teka miss.. Hindi po ako umorder ng pulutan.."

"Free na po yan Sir! Meron kasi kaming ditong promo..." paliwanag nya.

"Ahh.. Okei! Salamat!" sagot ko.

"Sir! Baka gusto nyo ng table.. Marami kami ditong bata at seksi.. At.."

"Hindi wag na! Meron akong kasamang dadating.." paputol ko.

"Ay ganun ba Sir.. Call na lang kayo pag may kailangan pa.." sabay talikod at sabay alis, Pero walang wink na kasama.

Makaraan pa ang trenta minutos nang paghihintay tska lamang dumating si Rhea..

"Dudes! Sorry i'm late ha! Grabe kase ang traffic sa lugar na to.." pauna nya.

Sabay tingin ko sa kanya w/ gulat factor.. Muntik ko nang masabing.. "Magkano ang gabi mo?" dahil sa sobrang seksing outfit nya na parang kahit sinong lalaki eh aakalaing pwede syang ma-order.

"O-Okei lang! Upo ka dito.." anyaya ko.

"Kanina ka pa?" tanong nya.

Gusto ko sanang sabihing.. "Obvious ba?" pero dahil si "Rhea the Angelic face" ang kaharap ko ay nawalan ako ng lakas para masabi yun..

"Medyo.. pero okei lang, mahalaga dumating ka.." sagot ko sabay ngiti.

Umupo si Rhea at umorder ng dalawang san mig para sa panimula.. Nagkwentuhan at nagkwentuhan, at nagkwentuhan pa ulit, hanggang sa mauwi sa problema ko ang usapan..

"So.. Ano nga ba ulit ang problema mo?" singit nya sa masaya naming usapan.

At bigla na lang napunit ang mukha ko.. Mula sa pagkayos nito, hanggang sa pagkasira..

"U-uhm.. Kelangan ko pa bang i-kwento?" tanong ko.

"Aba syempre! kaya nga tayo nandito.." sagot nya.

Napansin kong seryoso syang marinig ang drama ko.. Pero bago ako bumanat, tumagay muna ako at sabay na nagsindi ng yosi.. Game!

"Ganito kasi yun.." pauuna ko sa ubo.

"Meron kasi akong kaibigan.. And then yung GF nya nakipagbreak sa kanya.."

"For what reason? Aber?" tanong nya.

"D-Dahil yata s-saken?" mahina kong sagot.

Halatang kong nagulat sya sa reaksyon ng mukha nya.. Tinagay nya ang beer.. pero hindi sa kanya yung bote kundi saken.. Hindi ko na pinansin at nagpatuloy ako sa kwento..

"Yung girl kase.. tropa din namen.. pero hindi namin ganoong ka-close.."

Nakatitig si Rhea, habang nagkkwento ako na nagbigay naman saken ng destruct.. Sa bawat salita ko panay nod lang ang sagot nya..

"So.. galing ka pala kanina sa ospital w/ them?" tanong nya.

"Oo.. Umalis ako dahil sa badtrip.." sagot ko.

"You should talk to them.. you should try na pagbatiin sila.."

"Yun nga sana.."

"If ever na nga lang kung type mo din ang babae dba?" paputol nya.

Hindi ako nakasagot.. Blangko ako.. parang MATH subject tapos ako ang napili ng titser na pasagutin sa harap ng blackboard.. Na stun ako ni Mirana.. At sinabayan pa ng voodoo ni Lion.. Baliktad ako.. GG na Sir!

"Oh! Natahimik ka?"

"Hindi.. naalala ko lang ang sinampay ko sa bahay.. mukha yatang uulan.." palusot ko.

"Patawa ka talaga! Mahal mo na nga siguro.."

"Sabihin na nating oo.. pero meron akong mas mahal, kaya hindi pwede.." sagot ko.

"Sino naman yun?" tanong nya.

"Pwede ko bang sabihing.. Ikaw?" sagot ko.

"Loko ka talaga!" sabay tawa.

"Biro lang.." palusot ko.

"Ano nga pala ngayon ang balak mo?" tanong nya.

"Siguro unahin ko munang kausapin si Edgar bago si Kath.." sagot ko.

"Tama! dahil sigurado nasaktan din yung kaibigan mo.." pahabol nya pa.

"Pero kung ikaw ang tatanungin.. Kung ikaw yung babae?" tanong ko.

"Ako.." sabay ngiti.

"Gagawin ko din yung ginawa nya.." habol nya.

Sa puntong iyon back to emo na naman ako.. Naisip ko bigla si Kath.. Malamang umiiyak sya at walang magawa.. Sa tingin ko ay kailangan nya ko sa tabi nya..

Sinasabi ng puso ko, pero pumipigil ang utak ko.. Hindi pwede! Kinain ko lang ang sinabi ko kung gagawin ko... Gusto kong lumayo sya sa akin at balikan si Edgar.. Pero paano nga ba? Wala akong magawa.. Nandito ako ngayon.. Sa malayo.. Para ano? Para umiwas... Para tumakas..

Sa huling bote ng alak nag-paalam na si Rhea.. Hinatid ko sya sa sakayan..

"Rhea.. Thanks ha.."

"Sus! Ikaw pa.. Thanks din pala kanina sa pagsama mo sakin.." sagot nya.

"Ayan na yung taxi.. i-para na kita.." pagpuna ko sa parating.

Pinara ko ang taxi na sya namang huminto sa amin.. Binuksan ko ang pinto para magmukha akong gentleman sa kanya..

"Dudes.. Una na ko ha.. Sa uulitin!" paalam nya.

"Sige.. Ingat ka ha!" sagot ko.

Nagsindi ako ng yosi habang pinagmamasdan ang taxi na papalayo sa kinaroroonan ko.. Tanaw ko ang tail light pero hindi ang sasakyan.. Napabuntong hininga.. Tumingin ako sa paligid para maghanap ng makakainan.. Napapadpad ako sa isang lugawan na tatlong gusali lamang ang layo sa lugar.

Umupo ako malapit sa dulo na may tatlong upuan ang layo sa magsyotang kumakain..

Tahimik ako habang hinahalo ang mainit na lugaw.. at habang pinagmamasdan ang mag syotang nagyayakapan.. May kirot sa puso ko na parang ayaw umalis kahit nadaanan na ng alak ang mga ugat ko sa katawan.. Pinakikiramdaman ko ang sarili ko.. Iniisip ko ang mga nangyari.. Hindi lang ang eksena kanina.. Pati na din ang mga araw at mga pangyayaring kasama ko si Kath..

Olats talaga! Bakit hindi ko nakitang ganito ang mangyayari.. Sana sa una palang eh umiwas na ko.. Pero tulad ng kasabihan.. Nasa huli ang pagsisisi.. Pero.. Huli na nga ba ang lahat? May mga bagay paba akong dapat na gawin na hindi ko pa nagagawa?

Wala na ang init ng lugaw pero tuloy pa din ako sa paghalo at pagmanipula ng mga bawang na nakahalo dito.. Nagvibrate ang cellphone ko.. Mula sa bulsa dinukot ko ito..

Isang txt msg galing kay Rhea..

Dudes! Hindi pa huli ang lahat..
Huwag mong sayangin ang bagay,
na minsan lang.. At hindi pwedeng
mangyari sa lahat.. Go! Kaya mo yan!
;)

Sender:
Rhea The Angelic face

"Adik ba to?" bulong ko sa sarili.

Pero tinamaan ako sa sinabi nya.. Pakiramdam ko'y dapat ko sigurong sundin ang kapirasong parte ng laman ko, na may kirot at pag-aalangan na nararamdaman.. Urong-sulong.. Akyat-panaog ang naglalaban sa utak ko..

Buntong hininga..

Pinikit ko ang aking mata..

Parang flashback ng lahat ng angolo at hitsura ni Kath ang nakikita ko..

.....
.......
..........


Ano nga ba ang nararamdaman ko..


Ganito ba?

Ganito ba ang kwentong tambay?

Ganito ko nga ba sinulat ang kwento ko?

Parang hindi.. Hindi love story..

Hindi ko binalak na maging ganito..

May boses na nagsasabing..

"Mahal mo sya.. Huwag ka ngang tanga!"



...


......


.........




Mahal..

Mahal ko..

Mahal ko sya!



Hindi ako nagdalawang isip para balikan si Kath.. Handa na ko.. Sugal kung sa sugal.. Matalo na kung matatalo.. Wala na kong panahon para mag-isip.. Walang oras na sasayangin.. at wala nang kailangan pang tao para magsabi sa akin kung ano ba ang dapat kong gawin, at paulit-uliting sabihing tanga ako..

Binayaran ko ang lugaw na hindi ko man lang nagalaw.. at tska naghanap ng masasakyan pabalik kung saan ko iniwan ang babaeng nagdulot ng gulo at kasiyahan sa buhay ko..

Dali-dali akong naghanap ng masasakyang taxi, sinilip ko ang laman ng wallet ko pero hindi na pala kakasya sa pangtaxi.. Pumara agad ako ng jeep.

Trapik! Peste! Kung kailan kelangan ko magmadali tska nagkakaroon ng mga ganitong eksena.. Nakakabadtrip ang jeep na pumipila pa sa kantong hindi naman dapat pilahan ng jeep, halata ko din sa mga pasahero na ultimo sila ay yamot din.. lima hanggang sampung minuto at halos malapit na ko sa ospital, at tulad kanina huminto na naman ang jeep sa katabing kanto.. Hindi na ko nagdalawang isip at bumaba na ko para takbuhin na lang ang ospital..




PAK!!!

Sa sobrang lakas ng bukas ko sa glass door ng lobby, halos napatingin sakin ang lahat ng receptionist.. Ngunit ngiti lang ang sinagot ko sa kanila, at tuluyang tumakbo sa hallway, hinahanap ng paningin ko ang kwarto, kung saan ko sya iniwan at sinaktan..


Halos dalawang kwarto na lang at malapit na ko..


Sa harap ng pinto humito ako.. Ang hingal ko ay mula kalentong hanggang quezon city sa pagod.. Ramdam ko ang pagkatuyo ng lalamunan ko, at parang nadagdagan ang hilo ko.. Dahan dahan kong binuksan ang pinto ng kwarto..

Pero bago ko pa man tuluyang mabuksan.. Dumilim ang paligid ko.. Wala akong makita at walang maaninag.. Naramdaman ko ang paglambot ng tuhod ko.. at ang pangangatog ng katawan ko, Inunat ko ang aking kamay at naghanap ng mahahawakan, pero wala..


Sa kongkretong sahig ng ospital.. Doon ako bumagsak.. Malamig.. Hindi ko maigalaw ang buong katawan ko..


...
.....
.......


"Dudes?"

Isang pamilyar na boses ang naririnig ko...

"Dudes?"

Sigurado ako.. wala nang iba...

"Dudes?"

Palakas na palakas ang pamilyar na tinig..

"Dudes?"

Naghihintay sya sa pagbangon ko..


Idinilat ko ang aking mata.. Malabo ang paligid.. Pero bakit ganito blangkong puti ang nakikita ko?, Tang***! Patay na ba ako? Nasaan si San Pedro? Nasan ang manok? Nasan ang mga anghel?

"Sir okei ka na ba?"

Ginala ko ulit ang mata ko.. Nasa kisame pala ako nakatitig kaya naman pala puti lahat ang nakikita ko.. Pinihit ko ng bahagya ang aking ulo, patungo sa direksyon kung saan nanggaling ang boses..

Pansin ko ang nurse na cute na tumambad sa akin.. Kahawig sya ni Donna Bartolome(Hindi Pornstar! Cute yan search nyo sa google at youtube..).

"Ano nangyari?" tanong ko.

"Sir! hinimatay po kayo.." paliwanag nya.

"Mabuti na lang nandito na kayo sa ospital nung bumagsak kayo.." dugtong nya pa.


Bigla kong naalala si Kath.. Bigla akong tumayo at dahil hilo pa ako..


PAK!!!!

Swabeng swabe ang pagkabagsak ko sa sahig..


"Syet! Ang sakeeeeeeeeeeeettt!!!" daing ko.

-------------------------------------------------------



Pahabol: Jhaz! Taena paalam sayo! Ingat ka dun, at pagbalik mo uwian mo ako ng koreana! Ahahaha! Game seryoso.. Pre, ingat ka dun at magdala ka ng koreana! :D

Kwentong Tambay - Chapter 10

"Lahat naman ng tao sumeseryoso pag tinamaan ng pagmamahal. Yun nga lang, hindi lahat matibay para sa temptasyon." -Bob Ong



Yosi.. Alak.. Porn..


Nangunguna sa listahan ko ang mga bisyong ito.. Hindi ako B.I. tulad ng madalas nilang makita sakin.. Sadyang nakatadhana ang lahat.. Sabi nga nila(yung nakakatanda at KJ), Kada hit-hit mo ng sigarilyo, tatlong segundo ng buhay mo nawawala sayo.. Kada shot mo ng alak, dahan-dahan nitong tinutunaw ang atay mo.. At kaka nood mo ng porn, malamang magkasakit ka ng alam mo na..

Yosi.. Nicotine, Chemical na pamatay peste, Likido galing sa baterya, Lason(Cyanide), Carbon Dioxide, Blah Blah Blah.. Pangunahing sangkap ng yosi..

Alak.. Alkohol lang ang alam ko, pero pagdating sa brand dyan yata ako pro..

Porn.. Hindi ko na siguro sasabihin.. Sample? Allie Sin, Simony Diamond, Lexi Belle, Stoya Doll, Tori Black, Ashlyn Brooke, Brooke Lee Adams, Jenna Haze, at Charlotte Stokely.. Asian? Aoi Sora, Maria Ozawa, Tina Yuzuki, Fujiura Megu, Kasumi Kaho, Misaki Miyu, at Sakura Kokomi.. Pinay? Inaabangan ko palang si Christine Reyes.. :D

Hindi na yata makukumpleto ang araw ko, kapag wala ang isa sa mga yan..

Parang Yosing walang pangsinde..
Parang Alak na mababa ang proof..
Parang XXX vids na naka censored..
Parang Kare-kare na walang bagoong..
Parang cp na walang load..
At parang gitarang kulang ang kwerdas..

Ang dating saken ay malupet, at parang pinagkaitan.. Korni diba? B.I.? Tambay?

Kesa naman mag SHABU ako..

-------------------------------------------------------------------------

"Bakit? Anong kailangan mo sa kanya?"

"Gusto ko lang sya makausap Dudes.."

"Edgar, huwag muna.. Baka hindi nya pa kaya.."

"Please lang pare.. May sasabihin lang ako.."

Tinignan ko si Kath.. Batid sa hitsura nya ang pagkalungkot, Tinamaan na naman ako ng awa sa mukha nyang hindi ko talaga malaman kung nagpapa-awa, or talagang gusto lang makausap si Edgar. Inabot ko ang cellphone, lumabas agad ako ng kwarto bago ko pa man marinig ang usapan nila, Sakto sa pagbukas ko ng pinto nakasalubong ko ang nurse na papasok din sa kwarto..

"Uhmm.. Excuse? Kamag-anak ba kayo ng pasyente?" tanong ng nurse.

"Actually kaibigan nya kami.." sagot ko.

"Teka! Ano bang findings sa kanya? Gusto ko lang malaman.." pahabol ko.

"Over fatigue po sir, sobra sa stress, kaya sya nahimatay.." sagot ng nurse.

"Ahh.. Salamat.."

Tuluyan na kong lumabas ng ospital, at tuluyang naghanap ng mabibilhan ng yosi.. Napapadpad ako sa tindahan na may katabing karinderia, kung saan maraming nurse ang kumakaen na malamang sa ospital naka duty.. Umorder ako ng softdrinks at yosi..
Umupo sa bangketa at tuluyang nagpahangin.

Sampu hanggang trenta minutos ng aking pagtambay, napansin ko ang isang lalaking bumaba ng taxi papasok sa osptital, Sa tindig at pangangatawan ng lalaki ay hindi ako maaaring magkamali.. Si Edgar ang nakita ko, at malamang didiretso sya kung nasan naroon si Kath.
Pero imbes na habulin ko sya, Nagpatagal muna ako para hindi halata..

Tumayo ako pagkatapos lagukin ang huling patak ng softdrinks na wala na ang lamig, At sinindihan ang yosi, naglakad patungo sa ospital.. Pero bago ako tuluyang pumasok.. Hinit-hit ko ng tatlong sunod ang sigarilyo at sabay pinitik..

Sa mahabang hallway ng ospital, malayo pa lang napansin ko na si Vincent na nakatayo sa labas ng kwarto..

"Balita?" tanong ko.

"Hindi ko alam Dudes, lumabas ako nang dumating si Edgar.." sagot nya.

"Pre.. Easy lang.." sabi ni Edgar na medyo nahalata ang aking pagkabalisa.

"Pre, Ewan ko, pero sobrang badtrip talaga ako.." sagot ko.

"Kahit naman mabadtrip ka, wala ka naman magagawa.. at wala ka rin tayong karapatan" mahinang sabi ni Edgar.

Sa puntong iyon.. Tuluyan na kong kumalma.. Wala nga naman kaming magagawa, at ang mas malupet wala kaming karapatan.. at walang pakielam.

"Pre, matanong lang kita.."

"Ano?.." mahina kong sagot.

"May nararamdaman ka na ba kay Kath?" nahihiya nya pang tanong.

"Sa totoo lang... Ewan ko.. Pero sa tuwing sya ang laman ng usapan ay.."

"Inlab ka tol.." paputol ni Edgar.

"Gago ka ba?" tanong ko.

"Gago ka rin! Eh halata naman sayo.." sagot nya.

Hindi ako nakasagot.. Pakiramdam ko ay nilubog ako ng sarili kong salita at aksyon.. Sa isip isip ko ay wala naman talaga, dahil tropa kami, at syota nya ang tropa ko, na hindi ko kayang gawin sa tropa ko ang pinipilit ng isip ko.(Hindi nga ba????)

Bumukas ang pinto ng kwarto kung saan nakaabang kami ni Vincent.. Lumabas si Edgar, Nagkabatian gamit ang mga ulo na sadyang napatango lang..

"Salamat sa inyo ha.." pauna ni Edgar.

"Wala yun pre, basta ikaw.." sagot ni Vincent.

Sa isang maliit na bench sa tapat ng kwarto, kung saan ako nakaupo.. tumabi sakin si Edgar. Napabuntong hininga, na tipong maglalahad at may sasabihin..

"Dudes.. Ingatan mo si Kath.." bulong ni Edgar.

"Ano? Tama ba narinig ko?" sagot ko na halong inis.

"Oo.. hindi ka naman siguro bingi.."

"Bakit ako? hindi ba dapat ikaw?"

"Yan nga rin ang tanong ko sa sarili ko.." sagot nya.

"Pero.." pabitin nya.

"Pero? Pero ano!?" tanong ko na medyo napalakas.

"Huwag ka nga magtanga tangahan Dudes.. May isip kana at hindi na bata.."

"Aba? At bakit ako lang ba ang nagtatanga tangahan dito?" tanong ko.

Tumayo si Edgar.. Pinasok ang dalawang kamay sa bulsa.. Tumalikod.. Napanood ko na ang ganitong eksena sa mga koreanovela, at kahit natatawa eh pinilit kong magpaka seryoso..

"Dudes.. Kaibigan kita.. Tropa.. Kababata.. Kasangga sa lahat ng bagay, sa kalokohan.. sa kulitan at sa inuman. Sa lahat ng aspeto nirerespeto kita. Hindi ako humihingi ng kapalit at kahit anong respeto na galing sayo.. Pero.." pahayag ni Edgar.

Napahinto ako, napansin ko ding ganon si Vincent.. tipong nag aabang ng susunod na sasabihin ni Edgar. Natuyo ang lalamunan ko.. Ni kahit konting laway ay wala akong malunok..


.....
.........
............

"Pero nung sa puntong ikaw ang pinili nya.. Pakiramdam ko'y wala kang tinirang respeto para sa akin.."

Lumakad si Edgar diretso sa hallway, palabas ng lobby.. Hindi ko na nagawang pigilan pa sya.. Malinaw sa akin ang lahat, hindi kasalanan ni Edgar..

"Dudes.. Okei ka lang?" tanong ni Vincent.

Hindi ko sinagot ang tanong na yun.. at tuluyang pumasok ng kwarto.. Tahimik si Kath na nakaupo sa kama.. namumugto ang mata. Hindi ako nagpadala sa ganyang emosyon nya.. Kinompronta ko si Kath para liwanagin ang lahat..

"Kath, please lang.. sabihin mo kung ano nangyari.."

Hindi sumagot si Kath.. Hikbi lamang na sinundan ng dahang dahang pag iyak..

"Put***ina naman Kath! Utang na loob.."

At sinundan pa ng malakas na iyak..

"Kath hanggang kailan mo ba plano umiyak? Hindi na uubra sakin yan.. Walang camera dito! Walang direktor! Walang papalakpak sa lahat ng ginagawa mo!"

"Dudes.. Sorry.." mahina nyang sagot.

"Napakamot ako sa ulo, Nahalata nyang naiinis na talaga ako.

"Pakihimay mo pa Kath.. ang lalim eh!"

"Sorry.. Nakipaghiwalay ako kay Edgar.."

"Dahil?" tanong ko.

"Dahil sayo.. Dahil siguro mahal kita.. simula palang.." pahayag nya.

Sabay sinundan ng sunod sunod na malakas na hagulgol.

Hindi ko alam pero parang passive na lvl 4 ang skill ko.. Niyakap ko sya..

"Hindi pwede Kath.." bulong ko.

"Bakit Dudes.. dahil ba kay Edgar?" tanong nya habang umiiyak.

"Ayokong magpaka plastic pero.. ayokong sumugal.." pahayag ko.

Sa puntong iyon eh napuno na ng luha ang kaliwang braso ko, Hindi ko na kaya pang pigilan ang lahat ng patak.. Hinayaan ko syang ilabas ang lahat ng nararamdaman nya, Gusto kong magalit sya sa akin at itakwil nya ko, at hahayaan ko na lang na ganoon na lang ang lahat.
Iiwan kong may lamat ang pagkakaibigan namin, na hindi na kayang gamutin, dahil sa sakit ng mga salitang sinasabe ko, para lang magising sya sa katotohanan..

Pero bakit nasasaktan ako?...




...
.....
.......

"Dudes.." mahina nyang sabi habang umiiyak..

"Hindi mo ba susubukang tumaya sa sugal.." tanong nya.

Nag-isip ako sa sinabi nya.. May mga bagay talagang hindi kayang labanan ng isip.. Tulad ng nakikita ko sa kanya, at nararamdam ko sa sarili ko.. Oo, inaamin ko.. may pagtingin ako pero hindi ko alam kung hanggang saan, at kung kaya ko bang panindigan.. Hindi sapat ang mga salitang "Mahal kita", kung hindi tuldok ang kaya kong ibigay.. Nahuhulog ako..
malalim.. madilim.. masukal.. at walang liwanag para kapitan..

Sa huling pagkakataon.. At panigurado wala nang mauulit pa.. Take it or leave it ang labanan.. Dalawang bagay lang.. Magpadala at sumugal, o Lumaban..

Tapos na.. Nanaig ang pwersang hindi ko kayang talunin..


-------------------

"Ano lalaban ka?" tanong ng kaklase ko habang bumabatok sa akin.

Tama.. Lagi akong subject ng mga BULLY sa eskwelahan noong elementary. Siguro hindi ko naman kasalanan, dahil maliit lang ako at medyo may pagka geek ang dating. Trip ko ang Gameboy, Komiks, at kung anu-anong collectibles. Mahilig din ako sa 4th row kung saan mas malapit sa basurahan, kung saan madalas ako matulog tuwing MATH ang subject. Pero kahit ganon may mga kaibigan ako na nandyan at handang ipagtanggol ako sa tuwing.. Nawawala ang bag ko, Ninanakaw ang baon ko, Nilalagyan ng paste ang upuan ko, at araw-araw na nagugulpi sa loob ng cr.

Nandyan si Edgar at Vincent.. isa sa mga siga ng eskwelahan, at palaging nasa guidance.. at laging parents needed. Hindi ko alam kung bakit ko sila naging tropa..

Mula grade school hanggang high school.. Dating gawi.. Cutting classes, Inuman, Yosi, Chiks..

Ganoon sila sa akin.. Laging nandyan, Lagin present, Laging naka-TAMBAY.

...
.....
........


Tuluyang nanaig ang pwersang hindi ko matalo..

"Sorry Kath.. Hindi ko kayang sumugal sa larong sa simula palang alam ko nang talo.."

Niyakap ko sya nang mahigpit, Pinaramdam kong nandito lang ako kahit wala ang aking anino.. Umiyak sya pero tahimik lamang.. Ramdam ko.. Dinampot ko ang cellphone kong nakapatong sa kama, at sabay umalis..

Hinarang ako ni Vincent sa labas ng pinto, para kausapin.

"Vincent, huwag muna ngayon.. mauna na ko.. Ikaw muna bahala kay Kath.."

Dirediretso akong lumabas ng ospital at pumara ng taxi na ang tungo ay hindi ko alam kung saan.. Wala ako sa sarili..

"Boss saan ba tayo? Kanina pa kita tinatanong.." tanong ng drayber.

"Hindi ko ba sinabi kung saan?" nagtataka kong tanong sa drayber.

"Boss, ibababa kita dito kung nangloloko ka lang.." sagot nya.

"Ay! hindi.. dun tayo sa sta.mesa.."

Tahimik ako sa taxi habang pinagmamasdan ang mga ilaw sa kalsada at mga babaeng G.R.O. sa tuwing madadaan kame sa beerhouse.. Wala ako sa sarili.. At malamang wala din sa mood.. Tumunog ang cellphone ko, na nagbigay sakin ng pansin para ipaalala na.. "Dudes back to earth"..

"Oi.. musta?" sagot ko.

"Kanina pa kita tinatawagan.. San ka ba?" tanong ni Rhea.

"Sensya na galing ako ospital.." sagot ko.

"Ay.. ganon ba.. nag-aalala kase ako, kase hindi kana sumagot.." pahayag nya.

"Sensya na talaga.." mahina kong sagot.

"May problema ba?" tanong nya.

Gusto kong sabihin na "Obvious ba?", pero dahil si "Rhea The Angelic Face" ang kausap ko, ay hindi ko na nagawang masabi pa..

"Umiinom ka ba?" tanong ko sa kanya.

"Sakto lang.. Bakit? Kelangan mo ba ng kasama?"

"Sana.." sagot ko.

"Sure! Tutal sinamahan mo naman ako kanina, Para quits tayo!"

"Okei.. dito ako sa.."

Matapos kong masabe ang lugar.. Binaba ko ang phone at pumara sa taxi drayber. At pagkatapos magbayad agad akong bumaba.. Dire-deretso sa lugar na aming pagkakakitaan.

"Order mo sir?" tanong ng isang babaeng hindi ko malaman kung waiter ba o GRO dahil sa sobrang seksi na outfit.

"Meron ba kayong beer na 100% ang alcohol proof?" tanong ko.

"Wala yatang ganon sir.." sagot ng waitress na nagtataka ang mukha.

"Hindi biro lang.. Bigyan mo lang akong dalawang beer.."

"Okei!" sabay ngiti ng waitress w/ matching wink.


http://www.tristancafe.com/forum/210353  -  Chapter 1
http://www.tristancafe.com/forum/210421  -  Chapter 2
http://www.tristancafe.com/forum/210535  -  Chapter 3
http://www.tristancafe.com/forum/210712  -  Chapter 4
http://www.tristancafe.com/forum/211136  -  Chapter 5
http://www.tristancafe.com/forum/211218  -  Chapter 6
http://www.tristancafe.com/forum/211404  -  Chapter 7
http://www.tristancafe.com/forum/211734  -  Chapter 8
http://www.tristancafe.com/forum/212435  -  Chapter 9

Kwentong Tambay - Chapter 9

"Everything is clearer when you're in love."  -John Lennon


Ang sarap ma-inlab, walang kasing lupit, walang kasing tindi.. Iniisip mo palang panigurado kinikilig ka na..

Pero sa paanong paraan mo ba ma-eexpress ang LOVE?

Depende ba iyon sa tao? Sa Nararamdaman mo? Sa pagpapahalaga mo?

Naaalala ko pa noong HS ako.. Uso ang love letters, kanya-kanyang designs at pakwela.. Merong tipong parang tumutula ka sa mga banat mo.. Meron namang mga linyang hinugot mo lang sa isa sa mga paborito mong labsongs, Na kahit alam mo nang gasgas at wala nang epek eh umaasa ka pa din..

Meron din naman tipong ang dating eh parang secret admirer ka, At ang code name mo ay anonymous o kya shakespear. Ang kulit diba? At kung sa designs naman.. Meron dyang sinusunog pa ng yosi or lighter ang paligid ng papel, or nilulublob sa kape para mag mukhang luma.. At iyong iba nang hihiram ng yellow stabillo, para isulat ang hidden message na kapag tinapat mo sa ilaw eh tska lang lumalabas.. At ang mas malupit pa eh yung isusulat mo sa pagkalaki-laking cartolina ang mensahe mo, na halos kasing laki ng hinliliit ang mga letra.. paramihan ng masusulat na banat, depende sayo kung kaya mong punuin..

Korni kung korni.. Baduy kung sa baduy..

Pero para sa akin ito na siguro ang pinaka astig.. Mas masarap ang pinaghirapan..
Kesa gumastos ka ng sampung piso pang load..


-------------------------------------------------------------------------
DUDES:

Hindi ako mapakali..

Natataranta ako sa bawat kilos..

Daig ko pa tumira ng syento singkwenta, at nag follow-up ng dos kinagabihan..

Hindi na ko nagdalawang isip sa susunod na diskarte ko, Huminga ng malalim.. Dinukot ang cp sa bulsa. Hindi na ako nag-isip.. tnxt ko sya agad..

"Rhea,naka uwi ka na?"

Nagsindi ako ng yosi bago tuluyang umupo sa harap ng pc..

"Heto! kararating lang sa bahay" reply nya.

"Mabuti naman, nag-aalala kasi ako.."

"Bakit naman?"

"Kasi yung drayber mukhang holdaper"

"Hindi naman.. mukha namang mabait.."

"Hindi biro lang.. Uhm.. mag o-online ka ba ngayon?"

"Mamaya pa siguro, may gumagamet ng laptop"

"Pwede ko ba malaman kung sino?"

Ayun sana ang reply ko nang biglang nag "message sending failed".

BADTRIP!!!

Wala na pala akong load.. :(

------

RHEA:

Mula sa bintana ng taxi tanaw ko ang bakery katabi ng bahay namin..

"Manong sa tabi na lang ho.." sabi ko sa driver.

"130 lang po miss.." sagot ng driver.

Pagkatapos magbayad agad akong dumiretso sa bakery para bumili ng miryenda, para din sa kasama ko sa bahay.. na alam kong kanina pa nag hihintay sa akin..

Bago tuluyang pumasok ng pinto, dinukot ko ang susi sa aking bag.. Napansin kong may msg ako sa cellphone..

"Aba ang bilis naman ako ma-miss nito.." Bulong ko sa sarili.

"Rhea,naka uwi ka na?" txt ni Dudes.

Pumasok ako ng bahay bago replayan si Dudes, sumalubong saken si Christian.. O mas kilala sa alyas na Mama Chan.. Gwapo, Buffs ang katawan.. Maputi, at Mahilig sa korean hairstyle na parang anime ang dating.. Pero kung anong kinagwapo nya.. Yun din ang kinahilig nya sa mga gwapong tulad nya..

Mahalay.. Malandi.. at Maharot si Mama Chan.. Daig nya pa ang babae pag dating sa lalaki.

Si Mama Chan ang aking bestfried.. Kapatid ang turingan namin sa isa't-isa.. Kaya para syang ate ko sa labas.. este kuya..

"Heto! kararating lang sa bahay" reply ko kay Dudes.

"Mabuti naman, nag-aalala kasi ako.."

"Bakit naman?"

"Kasi yung drayber mukhang holdaper"

"Hindi naman.. mukha namang mabait.."

"Hindi biro lang.. Uhm.. mag o-online ka ba ngayon?"

"Mamaya pa siguro, may gumagamet ng pc"

Inilapat ang katawan sa malambot na sofa.. nagpapahinga habang hinihintay ang reply ni Dudes..

"Sino ka date mo sis?" tanong ni Mama Chan habang inaabot ang juice sa akin.

"Wala.. Nakilala ko lang sa chat room" sagot ko.

"Hmmm.. may hitsura ba naman?" tanong nya.

"Okei lang.. Hindi kagwapuhan pero mabait.." sagot ko.

"Kaloka ka Sis! Pagdating sa lalaki, talagang wala kang taste!" pang-aasar nya.

"Huwag ka nga.. Mabait yung tao.. Tsaka hindi mo pa naman nakikita!"  sagot ko.

Tuloy pa din sa pang-aasar ang bakla, pero dahil medyo pagod hindi ko na nagawa pang makipagsabayan sa kaharutan nya..

"Hindi kaya naubusan ng load yun?" bulong ko sa sarili.

Sa tagal ng reply.. Naisipan kong mag online baka sakaling naka online din sya..


---------
DUDES:

Badtrip!

Wala akong load.. No choice ako kundi mag log-in ulit.. Binuksan ko ang application ng camfrog at tuluyang nag log-in.. Bago pa man tuluyang makapasok ng chat room.. Narinig ko ang sigaw ni Vincent mula sa baba..

"Dudes! Nandyan ka ba? Akyat na ko!"

Sakto sa pagbukas ko ng pinto.. Humahangos si Vincent.. pawisan at nauutal-utal..

"Ano problema?" tanong ko.

"Si Kath daw nasa hospital nagtxt sakin si Edgar" sagot nya.

"Eh bakit hindi si Edgar ang pumunta?" tanong ko.

"Nasa trabaho daw sya.." sagot nya.

"Anak ng.. Inuna pa duty kesa gf nya.." bulong ko sa sarili.

Dinampot ko ang wallet ko at lighter, sabay sampay ng jacket sa balikat.. walang ano-ano pa at tuluyan na kaming lumayas.

Pagdating sa hospital, nag inquire sa front desk, at dumiretso sa kwarto kung saan naabutan namin syang tulog.. Maamo ang mukha..

Nilapitan ko sya..

Umupo ng dahan dahan sa tabi ng sa ganoon ay hindi ko sya maistorbo.. Hinawi ko ang malambot nyang buhok sa pisngi..

"Ano bang nangyari sayo?.." Bulong ko sa kanya.

---------
RHEA:

After mag log-in, agad-agad akong dumiretso sa chat room, kung saan madalas kami magkita ni Dudes noon..

Nakakapagtaka..

Online ang loko pero wala sa room.. Na dati naman ay nakababad ang ID nya, Kahit walang kasama.. at solong nag s-sound trip..

"Baka may ginagawa lang, or busy.." bulong ko sa sarili.

Pero dahil hindi ako makatiis at medyo curious na rin.. Napilitan akong mag IM sa kanya.. pero syempre bilang babae, dapat hindi gaano halata.. Mahirap na at baka mag expect ang loko..

SINGLE_AKO: Dudes?
SINGLE_AKO: Kumusta? Nag-enjoy kaba kanina?(Kahit alam kong hindi)

Aba ang loko.. Isnabero..

SINGLE_AKO: Okei.. Dedma well..(May halong inis)

---------
DUDES:

!@#$%*!!!

Halos madurog ang dila ko matapos akong masamid at makagat ito..

"Okei ka lang?" tanong ni Vincent na nahalata ako, dahil biglang nalukot ang mukha ko sa sakit.

"Ah.. wala.. may naka-alala lang siguro.." sagot ko.

"Sino? Wala ka namang syota.." biro nya.

"Shhhh! Baka magising.." mahina kong sabi habang nakaturo kay Kath.

"Ay! Sori.." sagot nya.

Napansin kong bahagyang gumalaw ang mga mata ni Kath.. Dahan-dahang dumilat, at inikot sa paligid.. hanggang sa mapahinto sa akin ang kanyang paningin. Bahagyang naningkit.. na parang sinusuri pa ako, dahil siguro sa malabo pa ang kanyang naaaninag.

"Okei ka lang?" tanong ko.

"Dudes?"

"Oo.. ako ito, ano nangyari?" tanong ko ulit.

"Nasaan si Edgar?"

"Nasa trabaho pa sya Kath!" sabat ni Vincent.

Hindi ko alam pero bahagyang nainis ako.. Kung sino pa ang wala sya pa ang hinanap.. Kung sino pang hindi nag-aalala sayo.. Tumayo ako.. Inis pero hindi ako nagpahalata..

"Mauna na ako.." paalam ko sa kanila.

"Bakit?" tanong ni Vincent.

Syet! ano nga ba idadahilan ko? Maling mali ako sa tyempo.. Walang wala sa diskarte..

"Hindi.. Mag c-cr lang pala ako.." palusot ko.(Naloko na!)

"Huwag kang aalis Dudes.. Samahan mo muna ako.." pigil nya sa akin.

Sa salita nyang iyon, malakas ang pakiramdam ko na may masamang nangyari..

"Wala na kami ni Edgar.. Iniwan nya na ko.." mahina nyang sabi.

---------
RHEA:

Sa halos dalawapung IM.. kahit isa walang sagot ang loko.. Masama ang kutob ko.. Baka may nangyaring hind maganda.. Sinusubukan ko magpaka relax..

Maraming bagay ang naglalaro sa isip ko. Merong masama merong hindi.. Pero sa biglang hindi pag reply, kahit sino mag-iisip ng masama. Tumayo ako, naglakad kung saan ko nilapag ang aking cellphone.. Nag browse ng phonebook.. Hinanap ang number ni Dudes..

At tuluyan kong tinawagan..

---------
DUDES:

Natahimik ako sa sinabi ni Kath.. Hindi ko alam ang isasagot ko..

Magagalit ba ako kay Edgar?
Baka naman may dahilan sya..
Hindi naman kaya si Kath ang nagloko..

Hindi ko talaga alam ang susunod na sasabihin ko.. Parang nag tanong ang titser ko tungkol sa Algebra at halos napanis na ang laway ko dahil sa hindi ko alam ang isasagot.

Biglang nag ring ang phone ko..


Nataranta ako..


Sinagot ko ang tawag nang hindi tinitignan ang caller..



"Hello?" sagot ko habang nakatingin pa din kay Kath.


Matagal bago sumagot ang nasa kabilang linya..


"Hello?" tanong ko pa ulit.


...
.....
.......


"Dudes, si Edgar to.. Kumusta si Kath?"



Nangilid ang luha ko.. Nagngit-ngit ang mga ngipin ko sa galit.. Tumaas ang dugo ko.. Lumakad ako palayo sa kanilang dalawa..



"Bakit? Anong kailangan mo sa kanya?" sagot ko..

Kwentong Tambay - Chapter 8

"I won't worry my life away.. Fingers crossed, sindi ng yosi.. rakenrol!"


Pera.. Pamilya.. Trabaho.. Pag-ibig.. Kaibigan.. Ano pa ba?
Sa lahat ng aspetong yan malamang meron tayong isang problema.. Minsan hindi lang isa. Madalas dalawa o tatlo.. At kapag medyo malas ka pagpasok ng taon na ito, malamang lahat yan take all mo.

Polong puti.. Maong na pants at naka Vans na japeks ang porma ko ngayong araw na to.
San ang lakad ko? Madalas na sagot ng iba eh..

"Magbabawas ng kasalanan"

Taran**** ka ba? Kailan pa naging bangko ang simbahan?

Hindi ako sobrang relihiyoso, pero pagdating sa bagay na to eh seryoso ako..

Kapag nangliligaw ka.. "Diyos ko! Sagutin na sana ako(with matching kilig)"
Kapag wala kang pera.. "Diyos ko! Makati ang palad ko bibigyan mo ba ako?"
Kapag badtrip sa ermats.. "Diyos ko! Kelangan kaya mauubos ang bala ng Ak47?"
Kapag badtrip sa boss.. "Diyos ko! Sana mabangga ang kotse nya mamaya.."
Kapag badtrip sa tropa.. "Diyos ko! Mamatay na sya, inagaw nya syota ko!"

Madalas kapag may kailangan si Juan, pipikit lang kunwari at mag seseryoso ng konti.
Ginagawa nating wishing well ang Diyos.. sa totoo lang.

Pero sa panahon na tawag ka niya..

"Pass muna.. Kasama ko GF ko kase sinagot na ko(with matching HHWW)"
"Pass muna.. Kasi dumating na yung padala mo.. gala muna ko for shopping"
"Pass muna.. Kasi ermats ko biglang nabulunan kakatalak sakin(with wink)"
"Pass muna.. Kasi na promoted na ko.. from janitor to head janitor"
"Pass muna.. Kasi yung tropa ko binalik na syota ko, after nya malamang buntis"

Ginagawa nating alak ang lahat..

Paano kaya kapag sinabi nyang..

"Oh sige pass ka din muna kasi hindi ka gaano updated sakin.."


---------------------------------------------------

"Ikaw?" nauutal ko pang sabi.

"Nagulat ka no?" sagot nya.

Biglang nag-rewind ang utak ko.. Pero dahil walang rewinder, ginamit ko ang pentel pen para ikutin ang bala ng VHS.. este ang utak ko.. naalala ko ang kamanyakan ko.

FLASHBACK!!

"Boss bayad ho.." sabi ko sa drayber ng jeep,habang pinipilit ko
iunat ang aking braso.

Inabot ng babae na dalawang tao lang ang layo sa akin ang aking tig be-bente singko kong bayad, at halos parang malaglag na sa kamay nya.. Napansin kong napangiti ang babae sa akin. Ang hindi ko malaman eh kung sa bayad ko ba? O, sa suot kong sunglass na parang hugis star. Inangat ko ng bahagya ang aking sunglass..

"Anak ng teteng! ang ganda.. pang.." bulong ko sa sarili.

Tinignan ko ang aking sunglass kung meron bang button para mag-activate ang x-ray vision pero wala.. Biglang nag play sa radyo ng sinasakyan kong jeep
ang careless whisper, at lalong tumayo ang balahibo ko Mula binti hanggang batok, at mula anit hanggang sa hindi ko na alam ang punta..

...
......
.........

"Sya nga.." bulong ko sa sarili.

"Natulala ka na! Tara na!" paggulat nya sa akin.

"Ay! Tara.." sagot ko.

Habang naglalakad pasimple kong tinitignan ang kanyang kagandahan.. Hindi maiwasan ng mga kalalakihan tumingin sa kanya, na sya naman ay kalmado lang na parang sanay sa mga ganitong ekspresyon sa kanya. Hindi ko tuloy maiwasang matuwa.. Gusto kong isipin ng mga taong nakakasalubong na.. "Swerte ng lalaking ito".

"Malapit na tayo.." mahina nyang salita.

Narinig ko ang sinabi nya kahit mahina pero wala akong pakielam.. Gusto ko lang sya pagmasdan.. Natutuwa ako.. Mabilis ang tibok ng puso ko.. Hindi ako makapaniwala sa babaeng ito. Hindi ako gwapo.. Hindi pang vtr na kahit model ng toyo ay hindi ako papatulan.

"Pero bakit pumayag makipagdate sakin to?" bulong ko na medyo napalakas.

"Okei ka lang?" sagot nya sabay tawa.

"Ayos lang.." Kahit napahiya eh nakasagot pa din ako.

"Dito na tayo! Yes!"

Tinignan ko ang paligid.. Tumayo ang balahibo ko.. Mula batok hanggang kili-kili.

"Uhm.. malayo pa ata ang pyeste ng patay.." bulong ko sa kanya.

"Hahahaha! death anniversary kasi ng papa ko." sagot nya.

"So dito tayo magdadate kasama tatay mo?" tanong ko naman.

"Huwag ka na nga makulit.. tara na.." anyaya nya.

Halos dalawang kanto.. tatlong liko.. apat na kalsadang maraming halaman na nakakatusok sa paa, at sa dulo katabi ng masangang puno ay isang puntod. Lalong tumayo ang balahibo ko.. Tumingin sa paligid pero matataas na damo na lagpas sa akin ang tanging natatanaw ko.

"Hindi kaya serial killer to?" bulong ko sa sarili ko.

Sa harap ng puntod. Tinitignan ko ang bawat galaw nya.. Napansin kong meron syang dahang dahang dinudukot sa kanyang maliit na shoulder bag.

"!@#$%&!!!"

"Huwag! Kahit hindi ako gwapo maraming nagmamahal sakin!" sigaw ko sa kanya.

Tumingin lang sya akin at nagtaka.. Matapos bunutin ang kandilang kulay asul sa bag.

"Ano ba nangyayari sayo?" natatawa nyang tanong.

"Ay.." tanging nasagot ko.

"Halika upo muna tayo" anyaya nya.

Umupo ako.. nagkwentuhan tungkol sa buhay ng tatay nya. Hindi ako interesado pero dahil seryoso sya eh kunwari nakikinig ako. Nakatitig.. Pinagmamasdan ng malupit ang anghel sa harapan ko.

"Uhm.. teka.. Paano mo pala nalaman na ako yung nasa jeep?"

"Simple lang! Lagi ka naman kasing naka live cam kahit walang naka view sayo.."

"Hindi pa nga ako sigurado kasi baka kamukha mo lang kya tinext agad kita"
pahabol nya.

"Ahh.." sagot ko. sabay titig ulit sa kanya.

Bigla syang nangiti.. Sigurado ako! Sa ngiting iyon walang lalaking hindi mahuhulog sa ganda nya.

"Pasensya kana kung sinama pa kita dito.."

"Okei lang.." sagot ko.

"Wala na kasi ang pamilya ko nasa states na silang lahat.."

"Okei lang.." sagot ko.

"So.. ako na lang naiwan dito para mag-alaga sa puntod ni papa.."

"Okei lang.." sagot ko.

"Hello? Okei ka lang ba?"

Syet! nabistong hindi ako nakikinig.. Pero okei lang dahil natawa naman sya sa pagmumukha kong tanga.

"Tara na.. Kain tayo" anyaya nya.

Ito na ang simula ng kalbaryo ko, Aba sana sa mumurahin lang sya magyaya na ang presyo ay yakang-yaka ng aking bulsa.

"Gusto ko dun sa chinese resto.. alam mo yung ano.."

"Patay! sabi ko na.." bulong ko sa sarili, halatang dismayado.

"Kaya lang medyo malayo pa dito, dyan na lang tayo sa labasan ng sementeryo"

"SALAMAT LORD!" sabay ngiti ko.

Sa sobrang saya, hindi ko na namalayang nawala na pala sa isip ko si Kath at ang problema kong naiwan. Pero mas okei na ito.. Panandalian nga lang pero walang humpay na kasiyahan. Wala akong balak tumakas gusto ko lang humanap ng bwelo para maisa-ayos ang lahat.

"Okei na siguro dito.."

"Aba! kahit saan ako okei lang!" pagyayabang ko, at nangiti naman sya.

Okei pala talaga to.. Kahit mukhang sosi at napaka ganda eh sya namang cowboy nya. Sa unang tingin sya yung tipong hindi ka papansinin, kung wala kang mala artistang pagmumukha. Sya din yung tipong hindi mo pwedeng isabay sa mga kalokohang pang kanto lamang ang datingan. Ngunit hindi.. rakenrol sya katulad ko. Walang keme-keme, at walang arte arte. Simple lang..

"Paano mauna na ako sayo.." Paalam nya.

Gusto kong sabihin na.. "Mamaya na kasi nag-eenjoy pa kong pagmasdan ka".. at "Nawawala ang problema ko kapag nandyan ka". Pero tulad nga ng kasabihan, Walang bagay sa mundo na masasabi mong permanente, ay ganoon din ang sandaling ito na kasama ko sya.

"Sige hatid na kita!" sagot ko.

"Hindi huwag na.. sakay na ko taxi dito.."

"Ganoon ba? Sige i-papara na lang kita"

"Sige.." sabay ngiti.


Sana walang taxi na dumaan..
Sana biglang magkaroon ng rally ang mga taxi drayber..
Sana biglang magbago isip nya at magpahatid na lang sya..
Sana umulan ng malakas, so pwede akong sumabay sa kanya sa taxi..

Lahat na yata ng panalangin nabanggit ko, pero wala pang sampung minuto ay parating na ang taxi na alam kong paparahan nya..

"So mauna na ko ha.." paalam nya sa sabay ngiti.

"Sige.. ingat ka!" sagot ko naman.

Sakto sa pagsara ng taxi.. Habang nakatitig pa din ako sa mala anghel nyang mukha.. Iniisip kong lilingon sya ulit at ngingiti sa akin..

...
.....
.......

Sa wakas! Dininig din ng Diyos ang panalangin ko. Pero hindi tulad ng inaasahan ko..

Meron syang sinesenyas.. Tinuturo nya ang karatula sa harap ng pinagkainan namin.. Hindi ko maintindihan! Akmang lalapit pa sana ako nang biglang humarurot ang walanghiyang taxi drayber.

"Aw sy**!"

Hindi ko na tuloy nalaman pa.. Tinawid ko ang harapan ng pinagkainan namin.. Isang maliit na tindahan. Tinitigan ang karatula.. Nag-isip.. Nag-isip.. Nag-isip.. At dahil sa wala naman akong naisip.

"Marlboro lights nga po" bumili na lang ako ng yosi at sumakay sa nakapilang tricycle.

Naglalaro pa din sa isip ko ang mga ngiti, tawa, boses, at mala anghel nyang mukha na sobrang nagpapasaya sa akin.

"Napaka ganda talaga ni.. ni.. ni....... SY**!!!"

Sa hinaba-haba ng oras na kasama ko sya, pangalan pa nya ang nakalimutan kong tanungin. Agad-agad kong binunot ang cp ko para i-txt sya.. Pero nagulat ako at may txt msg na sya. So agad kong binasa..

"Salamat sa oras RAKEN, Rhea nalang itawag mo sakin, ikaw? anu pala name mo?"

Tanga tanga ko talaga! Bigla ko naalala yung karatula sa tindahan.. "Aling Rhea store"

"Dudes na lang.. short for Dionisio, wala un basta ikaw" reply ko.

                                ------------------

Pagka-uwi ng bahay.. Napansin kong tahimik sa lugar namin.. Nakakapanibago! Na dati ay parang palagi akong nasa perya, takbuhang mga bata, mga motor na nagpapalakasan ng ingay sa harapan ng aking inuupahan. Bago ako tuluyang umakyat dumiretso muna ako sa tindahan para bumili ng yosi..

"Uhm.. marlboro lights po kalahati.."

"Dudes may utang kapa dito sa tindahan.." sagot ng tindera.

"Meron po ba? magkano?" tanong ko.

"Sigarilyo lang naman.. last month pa ata ito" sagot ng tindera.

"Ay.. ganun ba sige bayaran ko na.."

Pagkatapos magbayad ng utang na hindi ko matandaan kung akin ba talaga, ay dumiretso na ko sa bahay, at dali daling nagbukas ng pc at nag log-in sa camfrog.. Umaasang naka online ang anghel.

Sakto! talagang pinagpala ako ng lubusan!

RAKEN: Hi.. Musta Rhea?
SINGLE_AKO: Sino ka?
RAKEN: Okei ka lang? parang hindi tau magkasama kanina. :p
SINGLE_AKO: Kasama mo ako? Saan?
RAKEN: Si Rhea ka ba?


Sabay view sa cam nya..


Loading.....


Maikli ang buhok na parang korean hairstyle na emo, na madalas kong makita sa myx daily countdown.. Malaki ang bicep at tricep.. artistahin ang itsura ng lalaking tumambad sa harap ko.

RAKEN: Ay sori akala ko si Rhea..
SINGLE_AKO: Hindi pa sya dumadating.
RAKEN: Sige salamat!


Paalam ko sa may gamit ng ID nya sabay log-out..

Kwentong Tambay - Chapter 7

"Hindi na kelangan ng genre, kung talagang music lover ka"



Tik.. Tak.. Tik.. Tak..

Tumingala ako.. Hindi oras ang nauubos, hindi din araw, mas matindi pa sa mga yan.
Sa tulad kong walang degree.. PANAHON ang nalalagas.

Pressure na ko.. Tensyonado.. Pawisan.. tambak na ang kendi sa bulsa ng maong kong
gasgas ang laylayan, dahil sa sobrang haba. Habang nilalakad ang kahabaan ng mayapis
sa Makati papunta sa ahensyang aking pinasahan ng slum book, este! resume na parang slum book ang dating, dahil sa dadalawang pages na panay personal information lamang ang laman.. At walang matinong background.

Natanaw ko na ang gate at bago dumiretso sinindihan ko ang huling sigarilyo..

Nag-iisip.. Nakikiramdam.. Balisa.. Sa puntong ito maaaring back to zero na naman ako. Teka.. Nakailang apply na ba ako? Tatlo? Lima? Walo? Hindi ko na matandaan.. Kasing dami din yata ng nasindihan kong sigarilyo at kasing dami na din ng babaeng bumasted sakin pagkatapos kong banggitin na "wala ako pera, sagot mo muna pamasahe natin sa jeep.. Okei lang?".

Game.. Tinawid ko na ang kalsada at dumiretso sa gate kung saan naka-paskil sa puting papel ang mga pasado sa exam at interview.. Mula sa tuktok hanggang baba wala ang pangalan ko.. Inulit ko pa.. Inisa-isa.. baka sakaling nagkamali lang ang nagtype at napalitan ang pangalan ko ng iba. Wala! as in wala.. lugaw! PLAIN!  kahit paminta wala.

Paalis na sana ako.. Umihip ang hangin.. Tsaka ko lang napansin na dalawa ang pahina na nakapaskil nasa likod ang isa natatakpan ng nasa unahang papel.. OHYEAH!!!!

slow ako.. hindi ko napansin alphabetical pala..:D




---------------------------------

"Sorry.. talaga.."

"Sampalin mo na lang ako!"

Nakatitig lang sa akin si Kath, matalim ang mata.. Ini-scan ang buong pagkatao ko, tinitigan ako mula ulo hanggang paa.

"Sampalin? gusto mo sampalin talaga kita?" sagot nya.

"Uhm.. hindi.. wag.. masakit yun.." pabawi ko.

"Nakuha mo pa magbiro Dudes"

Napahiya na talaga ako sa puntong iyon.. Wala na ko masasagot, Wasak ang reputasyon ko. Basag ang pagkatao ko.. Tumalikod si Kath, hindi na nagpaalam at tuluyang lumayas.
Binalak kong pigilan sya pero ano naman ang sasabihin ko? Badtrip.. Kainis..
Hinanap ko ang reset button, baka sakaling bumalik sa umpisa.. wala.. wala..
Wala ako magawa.. Para akong newbie sa dota na nagtataka kung bakit kelangan bumili ng sapatos, at bakit may sapatos si Spiderman dito.

Sinarado ko ang pinto.. Pinatay ang ilaw.. at dahil tapatan lang ang bahay namin, dahan-dahan akong sumilip sa bintana baka sakaling tumambay pa sya. Sampayan lang ang natanaw ko walang bakas ni Kath o kahit anino man lang.

"Ang g**o ko talaga.." bulong ko sa sarili.

"Bakit ba ko nagpadala?"

Pero na-alala ko ang tagpong muntikan na.. Sa pagkaka-seryoso ni Kath, talagang hindi ko naman halatang ganon pala ang balak nya. Kahit sino sigurong lalaki ang nasa katayuan ko ay hindi maiiwasang hindi sumubok sa langit.

Nag ring ang cp ko..

"Baka si Kath.." bulong ko sa sarili.

Hindi ko sinagot, hindi ko na rin tinignan kung sino. Dahil sigurado ako hindi naman tatawag sayo ang taong galit para makipag-chikahan lang..

Humiga ako..
Nag-isip..
Muni-muni..

Naalala ko si Allie Sin(Pornstar), pero wala ako sa mood.. walang gana..


                                     ------------

"Iho.. yung nasa dulo dyan na nasa tabi ng basurahan"

Dahan-dahan kong tinayo ang ulo ko mula sa arm chair ng aking upuan.

"Yes mam?" sagot ko sa titser ko na nakangiti pa sa akin.

"UNANG ARAW NG KLASE! UNANG SUBJECT! NATUTULOG KA??!!"
sigaw ng titser ko na nagpataranta sa akin.

Tawanan ang buong klase.. nagkusot pa ko ng mata at nagtanggal ng muta. Hindi ko kasalanan naman kung antukin ako, lalo na at MATH ang unang subject sa umaga na pinangako ko sa sarili kong kaaway ko habang buhay.

"Pwede ka bang tumayo? at magpakilala?" tanong ng titser ko.

Wala ako nagawa.. tumayo ako mula sa kinauupuan ko.. nag-ayos ng gusot na polo.

"Good Morning sa inyo, sayo din Ma'am.. Ako nga pala si Dionisio Garcia Jr."

"Sa mga magaganda kong kaklase.. Dudes na lang itawag nyo sa akin.."

Tawanan na naman ang buong klase. Sabay kantyaw ng isa kong kaklaseng bading na nasa row 2..

"Matulog ka na lang ulit Dionisio!"

Tawanan na naman ulit ang klase. Sa tingin ko kasalanan ko kung bakit naging tapunan ako ng asar ng buong school year na iyon.

...
.....
.......


Tinamaan na ng sikat ng araw ang aking mata. Umikot ako.. sumunod pa din ang loko.
umikot ulit ako hanggang makarating ang katawan ko sa dulo ng banig. At tulad ng inaasahan sumunod pa din ang lokong araw.. Nagtakip ako ng kumot at bumulong sa sarili.. "Akala mo ha.."

Habang nakikipag-buno ako sa araw ay bigla na lang may kumatok sa pinto ko..

"Sino sila?" tanong ko.

"Bill po ng internet!" sigaw ng lalaki sa labas.

"Lapag mo na lang sa harap ng pinto, kunin ko na lang mamaya naka brief kasi ako"
pabiro kong sagot sa kartero.

"Boss may pipirmahan kayo dito.." sagot ulit ng kartero.

"Ay.. Oo nga pala.." Bulong ko sa sarili.

Tumayo ako.. Pinirmahan ang sulat.. Naghilamos, Nag toothbrush at nag almusal.
Tumingin sa cp.. Nanglaki ang mata ko sa nabasang msg.

"Korni mo pala, hahaha! nakasabay mo ko sa jeep"

Txt msg ni SINGLE_AKO.

"Anak nang.. saang jeep? sino ka dun?" reply ko.

wala pang limang minuto ang bilis nya sa pagreply.

"Ahahaha! secret! pati pangbayad mo, mukhang sa alkansya pa galing"

Nag-isip na naman ang utak kong walang laman..

Teka.. san nga ba?
Lagi naman ganon ang bayad ko sa jeep kasi ayaw ko ng barya sa bulsa..
Hmm.. hmmm.. hmmmmmmmmmm..
Wala talaga..

At dahil ayaw ko na mag-isip dahil mas mabilis ako mapagod kapag ganon, eh hindi ko na sya nireplayan..

"Hindi naman ako manghuhula.." bulong ko.

Sumilip ako sa bintana, umaasang makita ko si Kath.

Paano kaya ako hihingi na tawad sa kanya?
Ano na lang ang sasabihin ni Edgar?

Hindi ko alam kung paano pplantsahin ang gusot.. Nagsindi ako ng yosi..
Nagmatyag sa paligid ng kalsada.. Nagmasid sa mga nanay na nagsusugal, sa mga SOCO na nag memeeting, sa mga tatay na nag-iinuman. Sa mga yero na binulok na ng ulan, sa mga antenna na hindi ko pa din malaman kung baron nga ba talaga, o icon ni Voltes V.

Kath..

Kath..

Kath..

Kath..


Tanging pangalan na sumisiksik sa utak ko, Nagpupumilit sumingit.. Nananaig.

nag ring ang cp ko.. tinignan ko ang caller at agad kong sinagot.

"Oi! napatawag ka?"

"Hindi ka na kasi sumagot sa txt ko.."

"Hirap naman kasi ng quiz mo."

"Hahahaha! Kita na lang tayo ngayon, anu?"

"Teka lang.."

Nagkandarapa ako para kunin ang wallet ko sa drawer at tinignan ang laman..

500? at tig be-bente singkong barya? San kami makakarating nito?

"Hello? San naman tayo punta?"

"Mahilig ka ba sa lugar kung san walang gaanong tao?"

Anu yun? may ganon bang lugar.. Hulaan na naman to. i-hang ko kaya.

"Sige, kahit saan yan sama ako.."

Sumugal na naman ako sa hindi ko sigurado. Wala akong pera.. Meron pala pero hind kasya, at alam kong mapapagastos ako dito.. pero wala na.. rakrakan na!

"Kita tayo sa ano.."

Tulad ng dati.. Naligo.. Nag-gel. Suot ang lumang maong na pants na minahal ko tatlong taon hanggang ngayon, White t-shirt na may tatak na "love" sa gitna.. At naka tsinelas.

.....
.......
...........
...............

"Tagal naman nun.." bulong ko sa sarili habang naghihintay.

Halos trente minutos na ko sa terminal ng jeep. Naka limang yosi na din at limang kendi.

"Kanina ka pa?"

Saktong lingon ko..

"Obvious ba? Kanina pa ko dito trenta minutos na.. Pawisan na nga ako at amoy usok ng nagdaan at pumilang mga jeep dito"

Ayun sana ang isasagot ko.. pero dahil na shock ako.. na stun, nag hang.

"Ikaw?" salitang nasabi ko.

"Oo.. nagulat ka no?" sagot nya.

...
.....
.......


"!.......@#$%*!!!!"

Kwentong Tambay - Chapter 6

"No.1 RULE.. No Expectations" -Ayekaru


"Ang maliit na basura ay pwedeng ilagay sa bulsa"

Katagang madalas kong mabasa sa mga pangpublikong sasakyan..
Bus, Jeep, Taxi, Tricycle, at padyak..O kahit man sa mga pang-publikong lugar..
Park, Mall, Sinehan, Comp shop, at malamang sa Sogo.Ang malaking basura
kya pwede ibulsa na lang din? Nang sa ganun eh mailagay ko sa bulsa ang mga
basurang pulitiko..

Nakakabara sa istero.. Nagbibigay ng sakit..Nagnanakaw sa bayan.
Kaliwa't kanang parusa sa bawat pamilya. Sakit sa ulo.. daig pa ang tamaan
ka ng sakit na dengue dahil sa basurang pagkalaki-laki.

Sa lugar namin.. pagsapit ng hapon.. bandang alas tres. Isang opisyal
ng mismo naming barangay.. May dalang kapirasong papel at sumisigaw ng dalawang
numero.. Araw-araw ito ang kanyang routine.. Ito kya ang duty na binibigay
sa kanya ng Barangay? Aba! napakadali naman.. Siguro sa Barangay na lang din
ako mag a-apply baka sa kaling doon ako yumaman.

Mahilig din ako sa sugal.. pero hindi sugal ng kapitbahay.

Sabi nila.. Hindi kapa napapakinabangan ng bayan hangga't
hindi ka pa nakakaboto..

Nakakatawa pero nakakasuka.. kasi amoy basura.


         --------------------------------


Tinakbo ko ang lobby ng gusaling aking pinapasukan sa Makati. Sabay ngiti
sa tropa kong gwardya na simangot naman ang sagot sa akin.. Sakto!
Papasakay ang dalawang lalaki sa elevator.. Pinindot ko ang 21st floor kung
saan eh naka tenant ang kompanya namin.. este! ng Boss ko..

"Sakto dating mo.. bilisan mo nanduon na ang mga bisita"

"Sige Boss.."

Maghapon sa trabaho..
Tambak ng trabaho..
Mababang sweldo..

Mula lunes hanggang biyernes. Daily routine ko sa trabaho ang pagtitimpla
ng kape ng Boss ko, at pagkatapos eh linisin ang kanyang napaka garbong
desk. I-setup ang kwartong pagdada-usan ng kanilang meeting.
Kulang na lang eh paliguan ko sya, Ihatid mula bahay hanggang trabaho.
At halikan ang sapatos nya pagkatapos linisin.


            ----------------------

Hindi ako nag paparamdam sa tropa, gusto ko manahimik muna sa bahay.
So pagdating ng sabado.. ready na ko sa inuman sa ibang tropa naman.

Sabado.. alas tres ng hapon..

"DUDESSSSSSSSSSSSSSSSSSSS!!!"

...
....
......

"DUDESSSSSSSSSSSSSSSSSSSSSSSSSSS!!!

"Nandito syota mo Dudes!"

"Aba! Loko yun ha.."

Dahan dahan kong sinilip ang kaliwang mata ko sa bintana.
At nananalangin na hindi sana si Vincent.

Pero talaga naman kapag minalas! Kasama pa nya si Karnabal.

"Akyat kayo.." alok ko sa dalawa.

"Ang cute pala ng kwarto mo.." kumento ni Kath.

"Cute ba yan? parang mini jungle" pang-aasar naman ni Vincent.

"So.. ano ngayon ang gagawin natin?" tanong ko sa dalawa.

Biglang sumama ang mukha ni Kath, at natawa naman si Vincent.
Napa-isip tuloy ako sa kanilang reaksyon. Ang slow ko talaga.. :(

"Ibig ko sabihin.. Eh bakit kayo napadalaw.." pagpapaliwanag ko.

"Ayun! ayusin mo kasi.." sagot ni Vincent na natatawa pa din.

"Dito natin celebrate ang Bday ko, okei lang ba?" tanong ni Kath.

Patay! Gusto kong sabihing aalis ako.. pero dahil sa sobrang tamis
ng mga mata ni Kath, eh parang na bato-balani ang utak ko.

"Sige walang problema!" sagot ko kay Kath na pilit ang ngiti.

"AYOS! sabi ko sayo eh!" sigaw naman ni Vincent.
sabay takbo sa tindahan para bumili ng alak.

"Pasok ka.. ay teka linisin ko muna ang kalat.."

Matapos maglinis, binuksan ko ang DVD at AMPLI..
sinalang ang cd ng Kamikazee. First track ang "Ikaw".

"Si Edgar, hindi pupunta?" tanong ko sa kanya.

"Sinabihan ko na, pero may duty sya at gabi na makakarating dito"
sagot ni Kath.

"GAMEEEEEEEEEEEEEEE!!!!" sigaw ni Vincent na dala dala ang dalawang
case ng redhorse.

...
.....
.........
............

Ala Sais na ng hapon.. Malakas na ang sounds.. Magulo at mausok na
ang kwarto, marami-rami na ang laman ng ashtray.. at hibang na din
si Vincent habang nag bbrowse sa pc ng kung ano anong porn sites.
Sakto sakin ang tama ng alak.. Medyo hilo na din.

"Alam mo playing safe ka.."

Nakakagulat na naman na salita ni Kath.. Nilingon ko si Vincent kung sya
ang kausap ni Kath.. Pero hindi! Nakaharap ang loko sa monitor.

"Ako? Bakit?" sagot ko kay Kath na nagtataka.

"Type mo ba ko?"

"Anak ng.. Huwag kang ganyan Kath.. hindi pa ko lasing.." sagot ko.

"Oh sige maglaro tayo.." anyaya ni Kath na ang itsura ay naka taas ang
isang kilay.

"Anong laro? Aber.." tanong ko.

"Kung sino maunang malasing sa ating dalawa ay magsasabi ng totoo"
sabay tinggin sakin ng sarkastikong titig.

"Ang gulo! kapag nalasing ako ano naman aaminin ko?" sagot ko.

"Isang salita lang ang pwede mong masabi Dudes kapag natalo ka.."
Paniguradong sagot nya.

At dahil curious ako..

"Sige.. Game!" sagot ko sabay tayo para mag cr muna.

Sa loob ng cr.. nag-iisip akong mabuti, at dahil lasing na ko, Eh wala talaga
ako maisip.. At ang malupit ay hindi ko maunawaan ang pinapahiwatig nya.
Naghalo ang lasing at pag-iisip sa utak ko, na hindi ko naman namalayan
na hindi sa bowl na sshoot ang likido sa katawan ko, kundi sa timba.

Paglabas ko nang cr, napansin ko ang isa pang case ng redhorse..

"Aba talagang dinagdagan pa ha.." bulong ko sa sarili.

Umupo ako ulit at binuksan ang bote.

"This is it! Game!" sabay taas ng bote.

"Uhm.. sasali kaba Vincent?" tanong ko kay Vincent sabay lingon sa kanya.

BAGSAK ang loko-loko!

"Eh di paano yan tayo na lang?"

"Ano pa nga ba.." sagot ko kay Kath.



.....
.............
..................

"Tatlong bote na lang.. kaya ko to.." bulong ko sa sarili.

Alas otso na ng gabi.. Bagamat malakas ang sounds.. ayun naman ang pagiging
tahimik namin ni Kath. Pakiramdaman ang laban..

Tagaktak ang pawis ko..
Nangangatog ang kamay ko sa bawat hit-hit ng yosi..
Naniningkit na ang mata ko..
Bulol na ang salita ko..

Tinitigan ko sya.. Kalmado! na parang walang bahid ng alak sa katawan.
Sy**! Matatalo yata ako.. walang napakaliit na tyansang manalo ako.

"Sige na malasing ka na.." bulong ko sa sarili.

Last na bote.. pero hindi na malamig at wala na ding yelo.
Panigurado! sa boteng ito babagsak ako.. Dito puputok ang tama ko.
At dito din magtatapos ang laro namin. Dito ako paniguradong
magiging talunan.

"Sayo na.." sabay abot sa akin ng tagay.

Sa tagpong iyon.. Babagsak na ang katawan ko, nang bigla ko syang
nakitang tipong babagsak din.. Kumintab ang aking mata!
Umabot sa batok ang ngiti ko.. OHYEAH!!! :D


Panalo ako!



Panalo ako!



Panalo ako!






Panalo ako..


Panalo..


Panalo.............


...

.........

.............


"Dudes?"


"Dudesss!"


"DUDESSSSSSSSSSSSSSSSSS!!!"


Dahan-dahan kong dinilat ang aking mata. Inikot ng paningin ang buong
paligid. Malinis.. Walang kalat.. Wala na ang mga basyo ng alak..
Wala na din si Vincent.. wala din ako sa sarili ko..

"Ahahahaha! Ang hina mo naman pala.."

Syet! Hindi ko matanggap..

Talunan ako..

"So paano yan? Ako ang nanalo.." pahayag ni Kath.

Tumayo ako.. Inabot ang natitirang stick ng yosi. Nag-isip ng malalim.

"Oh ito softdrinks.. pang pawala mo ng tama.." alok ni Kath.

"Salamat.." sagot ko.

Tinignan ko ang oras.. Alas onse na ng gabi. Ang tagal ko pala nakatulog.
At sa puntong yun.. naalala ko ang laro namin. PATAY! sabi ko na..

"So ano ngayon ang gagawin ko?" tanong ko kay Kath.

"Simple lang!" sagot nya.

Sabay upo sa tabi ko at tinitigan ako ng pagka lupit-lupit. Sabay ngiti..
Ang tamis! Hindi ko alam ang magiging reaksyon ko sa susunod na
gagawin nya.. Pero kalmado lang ako.. dahil ba sa tama ng alak?
Teka.. May sasabihin sya.. parang ibubulong nya..

Dahan dahan nya nilapit ang kanyang labi sa tenga ko..

Sa mga salitang binulong nya biglang nagbago ang ihip ng hangin sa utak ko.


"Sigurado ka?" tanong ko sa kanya na halos magkandagulat ako.

"Oo naman.." matamis nyang sagot.

Hindi na ako nakasagot sa puntong iyon.. Balisa ako, Kalmado sya.. Halatang hindi
na nya first time. Naalala ko ang paborito kong serye sa dyaryo na xerex.
May demonyo sa balikat ko nagsasabing.. "Ohyeah!", gusto ko umiwas pero kargado
ng alak ang utak ko.. blangko.. sinusunod ko ang sinasabe ng demonyo.

Sa pagkakatitig sakin ni Kath.. Hinawakan ko ang kanyang beywang.



"Wala ka Dudes.."


Nagulat ako sa salita nyang iyon..


"Hindi ko alam na papayag ka.. hindi mo inisip na bf ko ang kaibigan mo.."


"Sinusubukan lang kita.. sa sinabi mo sakin na huwag ko lolokohin ang
kaibigan mo at kilala mo kung sino ako, mali ka! mas masahol kapa..
Kaya mong gawin ang hindi ko kayang gawin sa kaibigan mo.. Ngayon sino sa atin ang mangloloko?"





"Sorry..." salitang tanging nabanggit ko.





"Panalo ako! alam kong sasabihin mo yan.." patapos ni Kath.

Kwentong Tambay - Chapter 5

Sex, Drugs, and Rock and Roll..




Mas pipiliin ko ang sex.. :p


Halos mag kanda haba ang aking kanang kamay sa
pagkaway sa bus na aking sasakyan..
Bago tuluyang pumasok sa bus hinit-hit at pinitk
ko ang yosing hawak.. Sa kahabaan ng Edsa
kung saan ay mas maingay pa sa talak ng aking nanay..

Sakto!

Tingin sa bandang harapan.. Mas kokonti ang tao..
Na kung titignan mo ay maarteng wala naman pera.
Ngunit mas pinili ko ang likod..
Kung saan siksikan at mas marami ang tao..
Kung saan mas prone sa mga holdaper..
Kung saan mas madami ang vandals sa upuan..
At kung saan halos lahat ng alikabok ay iyong masisinghot.
Tulad ng dati.. Hindi ko maiwasang makinig
sa usapan ng mga tao at maki-isyoso..
Tulad ng iskwelahan, kung saan mas paborito ko
ang row 4 kesa sa row 1..

Kung saan naroon ang lahat ng olats na estudyante..
Kung saan naroon lahat ng kalokohan..
Kung saan eh madalas ako matulog kapag Math na ang subject..
At kung saan mas paborito kong gumawa ng sulat
para ibigay sa aking nililigawan..

Pero.. kung ang buhay ay parang mahabang byahe lamang..
makakailang stop over ka kaya sa 7 eleven at Mini stop?
makakailang jingle ka kaya at yosi break sa iyong mga problema?
makakailang para ka kaya sa drayber, para magpahinga?
Sa tingin ko higit pa sa yosing sinindihan ko..
walang kwentang istorya ng buhay ko kung walang ganito.


---------------------------------------------------

"Nagseselos ka ba?" nakaka-windang na tanong sa akin ni Kath.

"Anak ng put***!" salitang tanging nasabi ko.

"Ano to? Who wants to be a millionaire? Expect the unexpected?
bulong ko sa sarili ko.

Halata ni Kath na nainis ako sa tanong nya.. So pinilit kong
magpakatino.. magpaka-kalmado.. nagtatalo ang dalawang
demonyo sa tabi ko.. pero halos pareho silang may punto.

Tumayo ako at ngumiti..

"Bili lang ako yosi.." paalam ko sa kanya.

"Balik ka agad ha.." sagot ni Kath.

Hindi na ako sumagot.. Dire-diretso sa tindahan na halos
dalawang kanto ang layo at katabi na ang 7 eleven..

"Pabile nga po.. tatlong marlboro lights at kahit
anong kendi.."

"Sarado na kame!!!" sagot ng tindera na nasa loob ng bahay.

Nagtaka..
Napansin ko ang karatula sa harap ng tindahan..

"Open 6am - 10pm"

at sa baba ay..

"Bawal omotang ang walang pangbayad!!!"

Badtrip! Sana sa 7 eleven na ko dumiretso.. 24hrs pa!

..
....
......


Pagkabili ng yosi.. Nag-isip kung babalik pa ba
sa inuman. Alam ko sa sarili kong mababadtrip lang ako
kung sakaling makita ko ang pagmumukha ni Kath.
Pumara ako ng tricycle..


"Boss sa Backside.. Sa Vergara.."

Habang nakasakay sa tricycle, nagsindi ulit ako ng isa pang
yosi at nagmuni-muni.. Nag-iisip ng mga bagay na walang
kwenta.. Tuloy ang hit-hit.. Sa paglalaro ng usok..
Naalala ko kung paano ako natutong manigarilyo..

2nd year student ako noon. Sa Maynila ako nag-aral
imbes na sa Mandaluyong.. at ewan ko sa magulang
ko kung bakit.. Polong puti, Maong na pants at rubber shoes
ang attire ko mula lunes hanggang byernes.
Madalas akong naaasar sa lugar namin.. Mukha daw akong
kundoktor ng bus.

Sa harap ng iskwelahan kung saan may tindahan at
maraming estudyanteng tambay na inuubos ang pera
ng magulang araw-araw. Isang walanghiyang kaklase
ang nag-alok sa akin ng bisyong pangmasa.

Nakakahilo.. Nakaka-ubo.. at ang dyahe sa hininga..
sabi nila.. sabayan lang ng kendi hindi ka na halatang
nagyosi.. Nakakatawang factor pero okei naman.

Naging bisyo ko na ang sigarilyo at malamang hindi
na matatanggal sa akin ito..
Kapag nangligaw ako at sinabi ng babaeng tanggalin
mo muna ang yosi mo. Isa lang sinasagot ko..

Bahala ka sa buhay mo.. Hahahahaha!!!



"Boss dito na ba tayo?" tanong ng drayber.

"Hindi boss! sa banda pa doon.." sagot ko.

Hinatak muli ng drayber ang makina para makarating
sa susunod na kanto.

"Dito na lang boss.. Magkano?" tanong ko sa drayber.

"Pwede na singkwenta boss." sagot nya.

"Ano? bakit ang mahal? Kadalasan 30 lang binabayad ko."
Reklamo ko sa drayber.

"Ganoon talaga bigay namin boss" sagot ulit ng drayber.

Kumapa ako sa bulsa.. Sakto! Tinupi ang pera sabay
abot sa magulang na drayber.

"Okei.. Salamat.." paalam ko sa drayber.

Pinintahan ng drayber ang inabot kong bayad.
Medyo malayo-layo na ko pero tanaw ko pa rin sya.
Natatawa ako sa reaksyon nya. Sa isip-isip ko..
Mas matanda ka nga sakin pero mas magulang
pa rin ako sayo.. Hehehehe!

Pagdating sa bahay.. Kinapa ko ang aking kanang bulsa
para kunin ang susi. Ngunit cp ko ang nadampot ko.
Napansin kong may nag-txt sa akin gamit ang
hindi kilalang numero.

"Saan ka na? Bakit hindi ka bumalik?"

Nireplayan ko agad..

"Kath? lasing na kasi aq at maaga pa q 2mrw." reply ko.

"Uu c kath 2. Cge pahinga kna.. Censya na knina, biro lng un"
reply ni kath.

At dahil nayamot na naman ako.. Hindi ko na sya nireplayan.

Diretso kong hiniga ang aking katawan. Hindi pa ko dinadalaw
ng antok.. So nagbukas ako ng pc.. Tulad ng routine ko.
Nagbukas ng facebook, scroll up at scroll down.. sign out.
Nag log-in sa camfrog. Walang tao.. walang tambay.
Nagbukas ng yahoomail.. Panay e-mail ng mga porn sites ang
laman ng aking inbox. Checked all sabay delete.

Walang magawa.. Nakatunganga.. Nakaramdam ng gutom..
Bumili ng instant mami. pero bago ko pa maubos naramdaman
kong maisusuka ko lahat ng nakain ko.

Humiga ulit.. Hinayaan kong bukas ang aking pc na nka log-in
sa camfrog at yahoomail.

..
....
.....
.......

Binasag ng aking cp ang katahimikan ko..
Sinagot ko ang tawag..

"Dudes, san ka na? ang daya mo ha!"
(Si Vincent ang nasa kabilang linya)

"Ayoko na tsong, lasing na ko.. Next time.."

"Sus! dyahe mo ha! dahil ba kay Kath?

"Hindi.. lasing na talaga.."

"Oh bakit hindi ka nagpaalam kay Edgar?

"Nakalimutan ko na eh"

Sabay binaba ko ang linya.. Kunwari naputol.
Kinalikot ko ang aking inbox, outbox, drafts,
tska ko naalala si SINGLE_AKO..

"Aba mai-txt ko nga to.." bulong ko sa sarili.

"Hi cute! kelan date natin?"

Limang minuto.. walang reply..
Labing limang minuto.. walang reply..
Isang oras.. walang reply..
Nakaubos ng limang yosi.. walang reply..
Natapos ang buffs ng pinapanood kong
porn sa internet.. walang reply..

At sa wakas..
Nakatulog na lang ako sa paghihintay..
at wala pa ring reply..

Kinabukasan.. alas otso ng umaga ang gising ko.. na dapat ay alas diyes.
dahil alas dos ang pasok ko. Pero dahil sa hindi maawat na ingay
ng mga kapitbahay na parang mga kutong nagrarambulan, naalimpungatan
ako.. Masakit ang ulo.. Nahihilo.. Naghilamos.. Nag toothbrush..
Bumaba ako para bumili ng softdrinks at sigarilyo.
Best tundem ko pagdating sa hang-over.

Dire-diretso kong nilagok ang softdrinks..
Dire-diretso ko din hinit-hit ang yosi..

"Sarap.." bulong ko sa sarili.

Binuksan ko ang tv.. naisip ko ang channel 108 sa sogo,
pero wala akong cable, so nilipat ko sa channel na paborito ko.
Sa pagkaka aliw ko sa palabas na hindi ko maintindihan
ang istorya dahil bed scene na lang ang naabutan ko..
Eh biglang nag ring ang phone ko..

"Boss!"

"Pasok ka maaga may bisita tayo at biglaan ang event!"
sagot agad ng boss ko.

So agad ako nagmadali.. Naligo, nag-gel, sinuot ang
paboritong jacket at lumayas.


          -------------

"Boss bayad ho.." sabi ko sa drayber ng jeep,habang pinipilit ko
iunat ang aking braso.

Inabot ng babae na dalawang tao lang ang layo sa akin
ang aking tig be-bente singko kong bayad, at halos parang
malaglag na sa kamay nya..
Napansin kong napangiti ang babae sa akin.
Ang hindi ko malaman eh kung sa bayad ko ba?
O, sa suot kong sunglass na parang hugis star.
Inangat ko ng bahagya ang aking sunglass..

"Anak ng teteng! ang ganda.. pang.." bulong ko sa sarili.

Tinignan ko ang aking sunglass kung meron bang button
para mag-activate ang x-ray vision pero wala..
Biglang nag play sa radyo ng sinasakyan kong jeep
ang careless whisper, at lalong tumayo ang balahibo ko
Mula binti hanggang batok, at mula anit hanggang sa
hindi ko na alam ang punta..

"Saan kaya bababa ito?"
Bulong ko sa sarili ko habang sikretong naka-ngisi.